闊別7年再開個人音樂會 《「趁我們還有____ 」陳慧敏個人音樂會2024》

已有七年沒有開音樂會的陳慧敏慧敏哥，將於5月17及18日，假香港藝術中心壽臣劇院舉行兩場音樂會，在4月10日的優先訂票，門票火速售罄，而音樂會上，慧敏哥將找來了The Hertz任音樂總監，頓時令平日一個人創作、出歌宣傳的她感覺不再孤單。

記者: Tommy Tang

今次音樂會名為《「趁我們還有____ 」陳慧敏個人音樂會2024》，慧敏哥解釋，音樂會名用上下間線，原因是希望透過音樂會與大家去尋找各人心中的答案，說：「疫情呢幾年返香港，成日聽到身邊人講失去！大家講嘅失去，係因為疫情？係因為經過咗好多生離死別？戰爭？定係因為好多嘢唔同咗？心情未平復到？所以我係到諗，會唔會嘗試換個角度諗，係大家談論失去同時，其實我哋仲有啲咩？所以有咗今次音樂會嘅主題，亦係一條填充題，同大家一齊面對、一齊搵內心答案。」

想好音樂會主題，下一個就是音樂總監，慧敏哥期望透過今次音樂總監能令闊別7年樂迷充滿新鮮感，而事有湊巧，慧敏哥在一個騷上接觸了The Hertz，當刻就鎖定了找他們合作，說：「今次The Hertz會成隊Band一齊做我嘅Music director，佢哋本身就係團隊，而我咁多年來都係一個solo嘅歌手，係佢哋身上會更加感受到團體嘅力量。今次個音樂會上，我哋會有好大合作，互相擦出不同嘅火花，特別音樂上面點樣去rearrange過我嘅音樂，一齊行一齊去揾我哋呢個騷最終面貌，一齊行嘅過程係最令我期待，所以都邀請大家嚟同我喲一齊同行一齊去揾到自己內心嘅呢一個答案。」

而今次演唱會的嘉賓，慧敏哥希望保持同The Hertz 的互動，所以今次的嘉賓就係你哋入場嘅歡衆。今次演唱會的紀念品係由慧敏哥親自設計，好值得收藏紀念！剛過生日嘅慧敏哥最開心嘅禮物應該係兩場演唱會已經售罄，馬上就得到老闆們加開兩場作支持！

《「趁我們還有__」陳慧敏個人音樂會2024》詳細資料：
主辦：棋人香港、木船音樂創作室
日期：2024年5月17、18日 （星期五、六）
時間： 晚上八時
地點：香港藝術中心壽臣劇院
票價：$888/ $688/ $488
訂票將於4月15日於BOOKYAY發售
購票網站：https://www.bookyay.com/
穿梭變化：叱咤903