Katch 音樂娛樂平台呈獻：音樂監製Edward Chan首個個人作品展 廣邀歌手一呼百應

Edward Chan（陳浩然）歷年來作曲、編曲或監製的作品眾多，由早期的林一峰〈離開是為了回來〉、 方大同 & 薛凱琪〈四人遊〉，方皓玟〈Unlock Me〉、Dear Jane〈Rising Star〉，到近年周柏豪〈我的 宣言〉、林奕匡〈高山低谷〉、陳柏宇〈沒有你，我甚麼都不是〉、側田〈幸福止痛〉、姜濤〈蒙著嘴 說愛你〉、呂爵安〈E先生連環不幸事件〉、盧瀚霆〈Megahit〉、衛蘭〈It’s OK To Be Sad〉、葉巧琳 〈難道我還未夠難〉、黃妍〈心的全部〉，不論大熱還是Side Track，都會成為大家瑯瑯上口的金曲。 多才多藝的Edward Chan，經常於不同的音樂會上擔任音樂總監的工作，成為歌手們背後的男人。

記者: Chris Lam, Tommy Tang

日前（6/2）Edward Chan於AIRSIDE舉行記者會，邀請合作無間的歌手好友出席，包括：陳柏宇、林奕 匡、方皓玟、黃妍及葉巧琳，宣布他將於3月23及24日假亞洲國際博覽館、舉行由光尚娛樂主辦、Katch 音樂娛樂平台冠名贊助的《Blueprint of Memories, by Edward Chan》他的首個音樂作品展，回顧過去他 音樂事業的同時，更展示他在音樂上的不同面向，有關音樂會詳情如下：

Katch 音樂娛樂平台呈獻：《Blueprint of Memories, by Edward Chan》
冠名贊助： Katch 音樂娛樂平台
主辦單位：光尚娛樂
協辦單位：Sony Music Hong Kong、MOOV、CR ENT、創科媒體、星傳文化、心旭娛樂
日期：2024年3月23及24日 (星期六、日)
時間：晚上8時
地點：AsiaWorld-Arena (1號展館)
票價：HK$1,088 / $788 / $588 / $388 (全場座位)
演出單位： 黃妍 / 方皓玟 / 林一峰 / Daniel Toh / Dear Jane / 薛凱琪 / 衛蘭 / 陳柏宇 / 側田 / 葉巧琳 / 林奕匡 / 盧瀚霆 @MIRROR / 呂爵安@MIRROR / 姜濤@MIRROR And more…

獨家優先訂票：中銀Visa信用卡
最強保險品牌：AXA安盛
2月19-20日早上10時起中銀Visa信用卡於BOOKYAY.com獨家優先訂票
2月27日早上10時起於CITYLINE 公開發售
網上購票 www.cityline.com | 購票熱線 +852 2111 5333

Edward Chan在記者會上 指《Blueprint of Memories, by Edward Chan》中的「Blueprint」，是建築上用到的工程製圖，有著對未來構想，「Memories」則是過往的經歷回望，這個看似矛盾的一對字詞，卻展示出Edward Chan本身的性格，他說：「平時嘅我要Plan好所有嘢，但不論自己或製作團隊製作嘅音樂， 就有一種溫度，望返作品名字記憶就返晒嚟。今次《Blueprint of Memories, by Edward Chan》音樂會， 就係理性與感性思維組合而成嘅產物。」透過今次音樂會，Edward Chan更希望牽動樂迷的情緒，引領一場未知的情感釋放的同時，他更希望藉著音樂會，與一班好友聚首一堂，他說：「過去每隔幾年就想做一啲嘢衝擊自己，包括早期組成公司簽新人，又試過主持一啲Project好似《較鐘搞嘢》喺Online發 生，到近年有唔同嘅人，造就我去發揮自己冇諗過嘅嘢，例如擔任《全民造星》嘅評判，參與MIRROR 嘅Project，得到好多人嘅支持。今次《Blueprint of Memories, by Edward Chan》呢個Project，希望可以趁呢個機會集合大家一齊聚頭，啟動平時好多Miss咗嘅友誼，咁就好開心喇！」而在Edward Chan廣邀歌 手演出時，沒想到個個反應熱烈即時應承，令Edward Chan有一種莫名感動。

合作歌手一呼百應出席作品展 ！出席記者會力撐Edward Chan的一眾歌手也先後感謝他，彼此的關係更不止歌手與監製之間，好像被問到和Edward Chan合作最難忘的歌曲時，陳柏宇道：「《關注我》呢首歌係我第一首同Edward合作嘅歌，都真係好耐，果時真係好唔熟。宜家，Edward係我兄弟，要講行內最熟應該係佢。」而Phil 則是《花灑下的歌》，說：「其實我第一首歌就係由Edward負責，果種緊張仲歷歷在目，好深刻。第一次上去Edward錄音室，我緊張到冇胃口食嘢。」方皓玟就選了《Unlock Me》，說：「第一次同Edward合作好緊張，但合作後，發現他好關心人，可以話係「樂壇社工」。至於葉巧琳選了《微笑任務》，道：「我跟Phil情況差不多，都好緊張，第一次錄完離開錄音室時更係電梯放聲大喊。宜家當然覺得錄歌好開心，同Edward一齊創作更多藝術作品。」最後Cath 以 《牆身有裂》作為與Edward Chan難忘之作，說：「Edward可以稱得上係我嘅伯樂，今日我之所以能夠成為歌手都係Edward一手提拔。當日Edward台灣工作，恰巧我係女巫店進行表演，Edward 立刻向唱片公司推薦我。」

至於在構思今次《Blueprint of Memories, by Edward Chan》的Rundown，Edward Chan透露曾經有考量如何將自己的作品與演出歌手作出最匹配的配對，但最後他決定從心出發，他說：「冇乜點平衡，純粹想做就做佢出嚟，尤其身邊有好好嘅夥伴，將我想表達嘅嘢，慢慢引渡到呢個平衡點，所以今次只會做一啲我覺得特別同埋自己有趣嘅嘢。」除了構思歌單，Edward Chan今次更要身兼多職，與歌手的身份更是互換。「今次做自己嘅Project要影海報，又要負責去搵做Styling朋友幫手，自己從來冇試過或諗過會有機會做。除此之外，又自己嘗試邀請Artists，話俾對方知有呢件事，有冇興趣參與。平時係Artist問有冇時間做一首歌，今次係角色調返轉，對我嚟講係一件好特別嘅經歷。」