蕭敬騰A-LIN張敬軒 出席《春浪音樂節》香港站 2024年4月6-7日香港安盛x竹翠公園舉行

《春浪音樂節》多年受樂迷支持，2024年4月6-7日終於移師到香港安盛x竹翠公園舉行，勢必成為樂壇盛事！2024《春浪音樂節》香港站演出陣容強勁，除了頂流歌手蕭敬騰、A-LIN、戴愛玲、小宇宋念宇、艾薇等等，張敬軒、RubberBand成為香港代表！

頂流蕭敬騰、A-LIN、戴愛玲、小宇宋念宇、艾薇等等成為網民焦點，未開賣門票已有討論講搶飛，認真誇張！蕭敬騰就話掛住香港樂迷，不過佢一直有「雨神」嘅稱號，主辦單位「溫馨提示」粉絲帶雨具入場：「其實香港的Fans一直都超熱情，希望用尖叫聲換來好天氣，香港站可以打破下雨的記錄吧。」好久沒到香港演出的小宇以及初次到香港演出的艾薇，已經開始想念好久不見的香港歌迷以及久違的香港美食了！

A-LIN就期待訪港時「飲飲食食」，期待與Fans街上偶遇：「很期待去香港演出，距離上一次到香港已經很久的時間，希望在這一次的演出能夠再見到熟悉的歌迷朋友們，香港～～我來了！」

一向玩得嘅「軒公」非常期待，希望將《春浪》嘅熱情帶嚟香港：「因為場地都近海邊，希望可以將春浪墾丁站嘅海邊音樂節元素，帶比香港嘅入場觀眾享受！希望到時大家入場可以玩得High啲！唔知佢地有冇其他海外站嘅表演，可以嘅Mark埋我玩，因為我當同大家去旅行放吓假！」

而RubberBand嘅6號就話未曾參加春浪演出，《春浪音樂節》被「Band仔」示為盛事：「當然知道《春浪音樂節》，呢個係台灣其中最具代表性嘅音樂節，我地幾個咁多年嚟都好希望可以參加一次。一個可以run咗咁多年又咁有影響力嘅音樂節，無論對band仔定樂迷，都有好大嘅吸引力，今次主辦單位將春浪帶到嚟香港，相信唔止我地急不及待，樂迷都一定非常期待！」

AXA 呈獻: 春浪音樂節 (香港站)
演出日期 || 2024年4月6-7日
演出時間 || 3PM – 10:30PM
演出地點 || 安盛x竹翠公園 | AXA x WONDERLAND (西九)
主辦單位 || 耀榮文化
協辦單位 || 友善的狗, 光尚娛樂, 創科媒體, 星傳文化

門票啟售時間表
票務平台 || KLOOK
16/2 早鳥優惠
20/2 恒生Mastercard信用卡優先購票
22/2 公開發售

門票票種
早鳥雙日票 HKD 1398 (998區 | 企位 | 兩天）
貴賓單日票 HKD 1398 (坐位)
公眾單日票 HKD 998 / 698 (企位）
公眾雙日票 HKD 1598 (998區 | 企位 | 兩天)