自困廁所聽歌培養情緒 譚旻萱Mandy力讚陳昊森又靚仔又好戲
由寰亞電影出品、寰亞電影及洲立影片聯合發行、葉念琛身兼監製、導演、編劇全新浪漫愛情電影《不是你不愛你》，在先導海報上寫上「今個冬天 淚流成河」，可想而知今次葉導的新作，是一個悲慘的愛情故事。
身為女主角，Mandy在電影中要面對多場沉重的戲份，經常要哭成淚人，對於性格樂天的Mandy來說，絕對是一個大考驗，當中一場她要到醫院探望男主角陳昊森的場口，Mandy花了很長的時間，一個人躲在廁所靜思培養情緒，在場的工作人員都不敢騷擾她。
「因為比較沉重嘅戲，所以剛才去廁所與世隔絕一陣，戴耳機聽歌培養情緒，我聽板本龍一嘅《Merry Christmas Mr. Lawrence》，同埋電影《After Sun》嘅配樂，我有一刻喺廁所覺得阿寶唔想出去，唔想roll機，因為代表佢同家偉相處嘅時間會慢慢減少，我唔係嗰啲見到人喊就想喊嘅人，反而會諗有咩辦法可以幫到對方，呢方面我比較似男仔。」
Model出身，在演戲的範疇還是初哥，Mandy很感恩在《不是你不愛你》中，遇到非常之好的對手，就是男主角陳昊森。
「今次合作嘅演員個個都非常之好，並非因為前輩，尤其Edward，佢係一個非常之咁靚仔嘅人，為人好隨意、好易溝通，會同你慢慢傾嚟緊場戲要點做，同佢拍戲你會好放心。」Mandy說。
故事大綱
那年暑假，花園街長大，性格開朗善良的阿寶（譚旻萱飾）偶遇和父親感情不佳的富家子家偉（陳昊森飾）。為報復父親再婚，家偉聘用阿寶及其好友大強（梁仲恆飾）等人搗亂婚禮，促成他與阿寶認識並開始交往。兩人情投意合，嚐盡熱戀甜蜜，本以為緣定今生，豈料命運卻為這段愛情安排了急轉直下的暗湧…
