黃榕牛一 今年急飛台灣搵老公

性感健美女星剛剛踏入生日並相約一眾好姊妹慶祝生日,齊齊開香檳又切蛋糕,當中包括阿儀和葉小妍等。期間與形象指導好友許嘉浩(Karl Hui)拍攝網上直播節目《KARL HUI in the House》直播慶生會。Gloria興奮大擺Pose又被女友人送吻。Gloria笑爆直言: 「我鍾意男人架! 唔好擋我啲桃花運呀。」雖然一直口裏說感情隨緣的Gloria已單身近五年。向來酒量不太好的她喝了兩杯在直播期間吐真言,坦言也很想拍拖。她說: 「不用有甚麼條件和背景。只要靚仔同專一愛我便可以! 也不要只求性愛, 合得來的日日抱抱已經好幸福。最好同我一樣熱愛健身, 大隻仔會心心眼, 矮過我都唔介意。」

追問佢有甚麼心儀類似的類型? Gloria怕羞面紅直言有留意Tyson Yoshi的Body! 生日除了約好姊妹和粉絲團慶祝外,還有跟屋企人吃生日飯。問到又大一年, 家人有沒有催婚? 她說完全沒有, 那麼多年也習慣了吧。先把這「任務」寄托在自己親妹妹身上,比較起來她似乎更加是戀愛大過天的類型。

熱愛健身又參加過無數健美比賽的Gloria表示2024年新年有新計劃: 「宜家網上頻道咁盛行,個個都鍾意用手機睇短片。今年我都會計劃開設自己的健美健身頻道。請嚟唔同地區嘅健美好手一齊拍片,互相交流拍片,做一啲有難度嘅Challenge互鬥一下。」除了之前在健美比賽中認識了不少健美好手相約拍片外, Gloria透露也有留意台灣有很多健美大隻男的健身Channel做得好成功又有趣: 「計劃咗農曆新年後同Karl飛去台灣,約咗啲健身男仔拍片同傾合作計劃。其實之前同上一個健身男啱啱拍拖去台灣旅行都叫埋Karl陪我去三人行。見到佢普通話好好又識好多台灣朋友,今次又靠佢啦。哈哈。」

Karl在旁笑指她藉開健身頻道識大隻仔。更說已mark好三個適合Gloria這好姐妹的大隻單身健身男比佢,台灣男仔都較溫柔,很適合她做老公。