何展睿假期留港消費兼進修

唱作歌手何展睿Steve早前邀請音樂學校學生為明年大碟兼慶祝錄音。他表示能順利錄音絕非易事：「臨近假期兼疫情後好多學生去旅行，好難得可以集齊佢哋一齊練歌錄音，有學生岩岩放學趕嚟，所以我親手整咗聖誕香水同手工皂送比佢哋多謝佢哋拔刀相助！」。Steve表示再次㩦學生合作其實有箇中原因：「我明年推出大碟主題圍繞呢幾年生活，音樂教學同學生就陪我成長，之前疫情期就同佢哋合唱出歌，今次就同佢哋錄音，希望留番一個美好回憶！」

剛結束的聖誕期，他選擇留港慶祝兼消費：「年頭通關後，已經報復式去旅行，日本、台灣、澳門、內地去左十幾次，加上我同老婆鍾意靜靜哋享受二人世界，所以出年先再旅行。近期忙籌備自己出年推出既香水護膚品牌，所以聖誕期去左好多市集取經兼消費，其他時間都係屋企秘密練兵，練習新既手藝，明年先分享比大家知啦！」

此外，Steve表示音樂學校學生為他帶來喜訊，揚威海外：「學生少傑係《直到我看見彼岸》既男主角，岩岩金馬獎得到「最佳劇情短片獎」。係堂上佢分享拍攝點滴，戥佢哋開心，為港增光！近期埋頭寫新歌MV劇本，睇到得獎短片同新歌主題好似，都係記錄曾經美好既回憶，所以力邀佢參與MV拍攝！」

最後，Steve講到今年經歷人生低谷非常感觸：「今年係人生最難行既一年，兩隻狗仔先後離世，好彩自己平時正能量，親身經歷之後學識勇敢面對、成功跨過。今年不停進修、考試學到好多新技能，明年真係要發力。除咗出新歌新碟外，近期努力籌備香水護膚品牌，仲會開旅行頻道做下YouTuber 分享旅遊心得，實行多方向發展！」