譚嘉儀 楊梓菁加入做星級設計師 向Ally請教做生意心得

前組合歌手陳樂榣(Ally)經營之時尚首飾店，近日搬遷到大坑，和她與準老公葉泓聲(Gordon)合資的NO.2咖啡店只是一街之隔，打造Chill住飲咖啡睇首飾新慨念，日前舉行WOW JEWELLERY慨念店開幕禮，Ally透露Gordon有新身份，她說：「他進駐WOW JEWELLERY旗下成為其中一位最著名珠寶設計師，另外兩位星級設計師就是譚嘉儀與楊梓菁!」三位星級設計師聯同兩人的愛情結晶品葉沚雨及Ally大囡Aria當日一起為新店揭幕，尚有懷孕5個多月的「街坊」可宜亦來到賀。

兩人大耍花槍放閃

Ally更笑言開新店之後工作愈來愈忙，所以照顧剛滿3個月的囡囡沚雨責任就交俾Gordon了!他即笑著回應：「 好! 搵錢就交俾你喇 !」兩人大耍花槍放閃，Gordon笑說 :「Ally好醒呀，新店開在對面睇住我! 」提到設計Veni系列首飾，因自己好早已愛帶首飾，尤其男性不算多選擇，就自己設計了，希望日後有更加男性來舖頭一齊畀意見。甚至係Hip Hot界或跳舞都歡迎。」ALLY透露新店加入更多設計師所設計品牌進駐，除有Gordon亦有楊梓菁及譚嘉儀的設計作品，未來歡迎與更多藝人合作。

預計明年初補擺婚宴 乘機再追多個

Ally與Gordon兩人都工作繁忙，何時會補擺婚禮?

Gordon話基本上日日忙工作，兩間店要打理，所以要度期搞婚禮很傷腦筋，「預計下年初擺婚宴，希望邀請所有朋友，而家搵緊場地，因為場地需求應該都頗大。原本諗住簡單，而家係都要簡單而隆重呀! 因為簡單唔到，怕有所得失，不如請曬所有人。想好似一個party咁，大家開心玩一齊慶祝。 因為我哋今年花咗好多時間在事業上，仲不斷開舖，好彩亦有時間生咗個BB，希望留返啲時間搞好個婚禮，囡囡百日宴都是簡單家人聚會。」Gordon又笑說最想有時間再可以製造多個BB就最開心!

Ally亦指Gordon係24孝老豆，抱住BB個樣真係好開心，之前在內地拍劇，要日日send相給他看囡囡樣子更有動力開工。

Gordon除了掛住BB，當然不忘大讚Ally，「我老婆亦好勁，為了靚只食兩隻雞蛋就夠，令我好肉痛，為陪對方修身更相約一起做運動。Ally說:「其實自己冇停過，幸好坐月時有好好安排， 有陪月顧問幫我去水腫，之後中醫調理，又要紮肚，唔可以做懶嘅女人，一定要要勤力先可以好快回復身形。」

譚嘉儀與Ally合作推出自己設計首飾

至於譚嘉儀談到設計首飾，她說:「我一直好鍾意Ally設計首飾，當她問我有冇想過有自己首飾系列，我好開心，因為一直對設計飾物好有興趣，所以Ally邀請我一齊合作，就出左Hosanna十字架系列。點解有呢個設計概念係因為我係一個基督徒，基於宗教嘅信仰就用咗呢個元素，其實有信仰與否我亦希望透過這個系列飾物帶俾大家更多正能量，記得無論遇到咩困難都好，身邊人總會有人幫到你。」

譚嘉儀話她在音樂上同樣希望放上正能量的元素，或不久將來自己設計的首飾可以與她的音樂有crossover，拍MV時候亦會戴著自己的設計。

楊梓菁享受自由身 願與不同機構合作

楊梓菁與陳樂榣一直是好姊妹，陳樂榣首飾店開張當然出席支持，新店更有她設計的首飾。「今次係我第一次接觸做首飾生意，Ally係好有經驗，我都向她學習!」

但梓菁強調不會放棄幕前演出，始終熱愛拍戲，目前為自由身，尚未跟新公司傾好合作，亦希望在自由身的空檔期有機會跟其他公司合作。

可宜享受特權 指揮老公如皇后

懷孕5個月的可宜透露是Ally的首飾支持者，覺得好閃好靚，既是街坊與老公常一起放狗兼幫襯Ally另一間café店，現時更不時向Ally請教新手媽媽心得。

可宜說：「我特別向她要取經買大肚婆褲，牛仔褲好緊好唔舒服，還有要物色一位好的陪月顧問等等。」可宜減少出鏡工作，仍會接一些輕便司儀工作，她說:「而家好容易攰，體形又越嚟越大，好快就冇電 ! 做完幾個鐘工作就要立即瞓覺，幸好BB乖，我沒有太大唔舒服，完全冇作嘔作悶，唯一係好易攰，不過老公好體貼，基本上每次做完嘢亦盡可能接送我。 有朋友知我有BB之後，送我BB衫，仲問我介唔介意係舊衫，我當然唔會介意，我覺得呢個係祝福，感受到大家很有愛。老公喺屋企好聽我指揮，明明杯水喺隔離我都叫佢拎俾我， 簡直就係變咗可宜皇后一樣! 我真係要好享用呢段時間嘅特權! 」