林盛斌挑機薛家燕「花花舞」 台上感激對方提携給予力量 | 《The Bobfather 棟篤笑 2023 澳門站》

由棋人娛樂、光尚娛樂、寶輝娛樂及萬星國際娛樂主辦《佳寶食品冠名呈獻：The Bobfather 棟篤笑 2023 澳門站》日前在澳門倫人劇場圓滿結束，這亦是Bob林盛斌化身「Bobfather 」的第八站巡演。隆重其事！Bob特意找來薛家燕家燕姐任表演嘉賓，全場一齊唱《皆大歡喜》外，二人又跳了BLACKPINK的花花舞，家燕說：「Bob真係好勤力，身兼多職，日頭會sales、廣播、電影，夜晚又不停做⋯如果唔係點會有咁多個仔女！」

Bob同家燕姐緣起20年前，他第一次有機會在電台負責一個節目環節《一個好人》，Bob說：「節目去訪問一啲弱勢社群，睇下有冇機會幫到佢哋，家燕姐同台長講我做得好好，俾咗好多信心我、仲俾咗好多機會、好多鼓勵、好多力量我，係我圈中的大恩人。」

家燕姐聽後隨即拍拍Bob，直言好欣賞他，因為當年自己只是「得把口」，真正幫老人家搬上搬落是Bob，說：「我好欣賞Bob! 佢做事不但好勤力，仲好實事求是、唔怕辛苦同蝕底，幫到人就去做。」家燕姐愈講愈興奮，更爆Bob喜歡半夜三更打電話給她，日頭又做，夜晚又做，續說：「佢身兼多職，日頭會sales、廣播、電影，夜晚又不停做⋯如果唔係點會有咁多個仔女？都唔知邊到有咁多精力！」引得全場大笑。

難得與家燕姐同台，Bob自然唔輕易放走，而眼見家燕姐早前跳BLACKPINK的《FLOWER》熱爆網絡，網上又找來Ai家燕姐x BLACKPINK，於是直接挑機要求同台演出，令台下拍爛手掌。另外Bob在每場巡演中，隨以自生經歷、自嘲鼓勵台下要勇於面對逆境，又加插了與台下互動，昨晚現場競投Bob加持過的「Bob牌」，並由他親手為善眾帶上、頌經時，台下全場笑聲震天。而兩個月內，Bob先後在荷蘭、英國、佛山及澳門站舉行了《The Bobfather 棟篤笑》後，Bob會先作休息，希望2024再次出發，將Bobfather的理念再帶到不同地方、去得更遠，與身在不同地方的香港人及華人，歡懷大笑輕鬆一夜。