林德信打頭陣12月15 布志綸、黃妍、力臻、葉巧琳接力 為The Singleton Sip or Speak獻唱

久違的酒吧騷終回歸香港，一連4場The Singleton Sip or Speak邀請林德信、布志綸（Alan）、黃妍 （Cath）、孫曉賢（Kendy）、力臻、周卓盈（Mic）、Mansonvibes、葉巧琳（Mischa）參與其中！

布志綸就話佢第2次參加The Singleton 音樂活動，希望與Fans淺嚐把酒言歡：「其實過去幾年都冇咩去酒吧，大家生活習慣都有啲唔同咗，過去我好享受酒吧演出，因為大家距離好近，可以望真啲佢地，甚至演出之後可以同佢地碰碰杯，所以對呢次表演都幾期待。」

而Cath 黃妍就話自己較少參與酒吧演出，希望會有「另類」體驗比觀眾：「因為我啲歌都可能會靜態啲，但係都好啱收工過嚟聽聽放鬆一下。雖然我酒量麻麻地，不過都約好朋友見面時都會飲少少，試過一次飲醉酒朋友話我會勁唱歌，返到屋企搞到父母勁擔心，從此都唔敢飲太多。」

而林德信婚後首次參與音樂活動，笑言邀請Fans「早啲到」、「飲多杯」：「因為結婚都唔想太公開，所以呢次音樂活動可以同Fans見吓面，聽吓我啲歌。其實Fans都係我家人之一，咁希望佢地『早啲到、飲多杯』，最多我Encore多幾首歌，千萬唔好灌醉我。」

周卓盈、力臻、Mansonvibes屬樂壇新力軍，力臻盼透過演出累積「經驗值」：「其實唱咩騷我都好期待，只要係唱Live就期待，我地呢代歌手比較少唱現場嘅機會，所以呢次都會好認真揀歌、練歌！」

Mischa

The Singleton 的 Glen Ord 酒廠於 1838 年成立。酒液以自然芳醇和順滑聞名，特別適合亞洲人口味。品牌亦率先採用時間發酵和慢蒸餾方法，創造和諧、順滑的獨特麥芽威士忌。請理性享用美酒。