COLLAR、Dear Jane、釗峰、麗英、Tonick 《博愛SO ME SHOW MUSIC 》圓滿舉行 陣容鼎盛推動夜經濟

由博愛醫院主辦的《博愛SO ME SHOW MUSIC》在AXA x WONDERLAND安盛 x 竹翠公園圓滿結束，第二晚演出陣容依然強勁，包括Dear Jane、梁釗峰、COLLAR、麗英、DJ King、Tonick等等。適逢政府今年公佈施政，希望透過不同活動與年青人連結，正與《博愛SO ME SHOW MUSIC》的舉辦目的不約而合，同時更響應「香港夜繽紛」，博愛很榮幸房屋局局長何永賢太平紳士親臨支持，與一班年青人打成一片。

COLLAR現身時全場歡呼，眾成員亦落力獻唱，揚言想舉行戶外演唱會：「我地啲Fans好好，幫埋博愛啲主席『應援』，同埋好早嚟排隊，真係好多謝佢地！呢排亞Gao好辛苦，忙住拍劇都要搵時間練舞，時間同『咩線』一樣，都係要擠出嚟！」年尾頒獎禮臨近，COLLAR以平常心應對，Marf更自爆「冇登記」未有投票比自己。

釗峰一連獻唱數首金曲，樂迷聽得如痴如醉：「我都想再搞戶外騷，因為成個歌單都唔同，要儲吓快歌先得！」

同場的麗英將舉行個人演唱會，笑言想請Taylor Swift做嘉賓：「我DM過Taylor Swift想同佢合作，而小薯茄啲同事就諗吓先比佢地上台，其實都想請尹光做嘉賓，不過太遲啦，因為佢依家紅咗，睇吓下年Part 2有冇機會。

博愛醫院心繫兒童及青少年發展，同時致力為他們創建發揮平台，今晚《博愛SO ME SHOW MUSIC》更安排八歲的Hinson與ToNick合奏「時間的初衷」，小小年紀顯出功架，贏得台下熱烈掌聲。

壓軸出場的Dear Jane成為焦點，成員Jackal剛宣佈成為人夫，開心接受大家祝福：「由求婚到結婚大概半年左右，都唔係刻意低調，請咗啲密友參加婚禮。社交平台張相因為個背脊好靚，Share個背比大家睇。」而Howie笑言冇為Jackal婚禮「賣力」，為好友送上祝福：「因為佢好低調唔會搞太多嘢，所以出席同默默祝福就夠。（快啲結婚做『人夫組合』？）結婚Feel到就Feel到，為自己而結嘛，咁先最浪漫。」Tim搞笑話已分享「造人」心得，揚言拍片教路，佢亦表示有留意尹光走勢強勁，希望對方得獎：「我地冇投票啊，留翻比大家投比我地啦！」

《博愛SO ME SHOW MUSIC》11月18-19日舉行，超過共33個表演單位參與演出，音樂會收益撥捐博愛醫院青少年服務，令音樂會別具意義。