尹光、林明禎閃耀昂坪360 合唱歌曲High爆全場

近期人氣急升的尹光與林明禎呢日出席「昂坪 360 x Polaroid 冬日炫彩聖誕」活動，除了介紹昂坪360一系列聖誕活動外，明禎更「突襲」尹光合唱「聖誕版」《我亞媽大減價》，更預告二人將拍攝MV，共渡浪漫聖誕節。

難得開金口的明禎表示，來年如有時間或錄歌加入樂壇：「我都想同光B合作啊，不過佢好忙啊，唔知有冇機會再合作呢？今日我地都會拍MV，都會有啲感情線，嚟緊聖誕節有時間再嚟玩啦，因為家姐佢地未嚟過360，而且呢度好有聖誕氣氛，其實我一早買咗年票，所以成日嚟都唔洗錢。」

尹光近日打入叱咤10強，與MIRROR及其他歌手爭獎：「其實打入十強都好難得，入圍都已經好開心啦！今日同明禎合作都好開心，佢提議唱《小姐大減價》，不過女神唔會減價，只會越嚟越貴！」，昂坪360 首度聯乘著名即影即有品牌Polaroid寶麗來，於2023年11月18日至2024年1月1日舉行「昂坪 360 x Polaroid 冬日炫彩聖誕」，帶大家時光倒流走入Y2K復古世界，回味千禧年代的美好時光﹗