韓劇《為你心動》男主兼男團 2PM成員玉澤演中秋來港開粉絲見面會，送粉絲福利史上最強

韓國男團 2PM成員，活躍於韓國歌唱及綜藝節目，繼而唱而優則演，先後主演《灰姑娘復仇記》、《夢想起飛 星夢高飛》、《很好的日子》、《打架吧鬼神》、《黑道律師文森佐》、《為你心動》等人氣韓劇的韓國藝人玉澤演於中秋節來港，在九展 Star Hall 舉行他的首個《2023 OK TAECYEON in HONG KONG : SpecialTY》亞洲巡迴粉絲見面會香港站。

一開場玉澤演就在台上又唱又跳，以《Magic》、《Anyway》勁歌熱舞揭開序幕，更非常暖心的以廣東話跟 HOTTEST(粉絲暱稱) 打招呼及介紹 MC 出場︰「大家好，我係澤演，好開心見到大家，好掛住你哋，歡迎大家嚟到 SpecialTY，希望今日同大家度過幸福嘅時間。」

兩個半鐘的 FＭ，澤演分享拍攝 MV 及拍戲時的辛酸，看到劇集《為你心動》吊威吔的照片時更坦言自己其實有畏高，驚到當時都唔知係點拍完。提到自己鍾意夏天拍攝，多年前拍劇集《Dream High》，因為太凍連對白都講唔到，甚至唔想落車，仲話要克服環境因素好難，所以之後好幾年都只在夏天才拍劇。不過，因為韓國的拍攝制度，拍劇通常要拍 6至 8個月，所以總要橫跨兩季很辛苦的。又透露拍戲時用的血，是用很濃的糖漿混入咖啡和色素，又黏又甜，天氣凍的時候又會凝固，所以經常遇到不少麻煩。

FM 上跟粉絲的互動位簡直超級多，澤演隨意抽出粉絲願望 memo 紙牆上心願，而大部份 Fans 都是求合照及攬攬，澤演唔只有求必應，仲要親自跳落台走到幸運 Fans 面前完成自拍加抱抱任務，同時與路過的粉絲擊掌兼互動做心心。在「Special thank you」環節上，澤演在透明杯及 T-shirt 上畫畫再簽名，親自沖咖啡，並裝入畫滿圖案加簽名的保溫杯，不忘先喝一口試味再送畀粉絲，整晚瘋狂尖叫聲不斷。

FM 期間現場演繹劇集《為你心動》的 Ost《Vampire》，苦練廣東話獻唱馮允謙的《給缺席的人唱首歌》，笑稱廣東話發音同韓文完全唔同，非常難：「在家裡一邊聽一邊練習，工作人員雖然已經一早標記了韓文發音，但我一聽就發現有所不同，當中 ngo 最難發音，如果有唔準嘅地方請多多包涵。」，除了廣東歌，尾聲更大唱 2PM的《Champagne》、《Promise(I’ll Be)》及壓軸全場大合唱的《Hands Up》掀起全晚最後高潮。澤演回應大家︰「好開心，好耐無嚟過香港，粉絲依然好熱情。中秋係跟家人團聚嘅節日，今晚粉絲成為我的家人，永遠唔會忘記 2023年嘅中秋喺香港度過。」最後歡送環節，澤演更在出口處同 FANS 逐一拜拜，對應 FANS 的動作兼有眼神交流，完全零架子。

T by yasuyuki
Photos & Video by Tommy Tang