人氣女團XiX新歌《SiS》發佈會 數百粉絲迫爆商場 Eric Kwok：「XiX喺樂壇新一代希望」

少女組合XiX 分別是Kiele鄧曉殷、Vici莊殷玥、Charlotte繆昀希、Crystal良玳瑩和Caitlin楊秉頤，日前在觀塘APM大堂舉行《XiX新歌《SiS》發佈會》活動、並宣布加盟環球唱片公司正式出道！擔當經理人的著名音樂人郭偉亮（Eric Kwok）及形象總監葉佩雯（Grace Ip）更親自帶隊到場支持，與XiX成員跟現場粉絲見面。今次發佈會亦係XiX第一次以全新陣容出席活動，與粉絲大玩二人合照Pose及動作猜迷遊戲。五位活潑少女迎來首支派台作品《SiS》，以唱跳風格面世，配合XiX五位少女的唱跳和表達她們之間的姐妹情！

編輯/記者：Pak Sin Lan
拍攝：Kason

 

XiX出場逐一自我介紹後，率先在商場螢幕首播《SiS》MV，期間粉絲們反應興奮，更不時尖叫。及後邀請Eric Kwok和Grace上台，身為經理人的Eric笑言：「XiX前世應該喺我5個工人，所以而家我要做返佢哋工人，為佢哋賣命。我對佢哋要求好高，做到我要求就啲對我最好的報答。」作為形象總監的Grace分享：「我以前都係16歲左右出道，而家見到XiX就有自己嘅影子。佢哋五個由內到外都需要學習，不論喺學習如何打底、護膚、維持身型等，我都一一教佢哋。」

五女見到現場有數百位粉絲、朋友、家人支持，「覺得非常感動，難以形容當下心情，興奮多過緊張！新歌《SiS》表達出我們姊妹間的感情，希望大家都會有共鳴，而且珍惜互相之間的友誼。」Eric被問到對住XiX會否感到頭痛，「我有好多規條要她們遵守，例如唱歌咬字方面要再改善，或者係見到訊息要立即回覆。我當初要孭起呢個project真係可一不可再，因為我覺得XiX喺樂壇新一代希望。」為此，XiX送上一包假血予Eric，因為平時Eric對着她們心血少啲都唔得，勞心又勞力；同時又送上一紥鮮花答謝Grace。

Eric Kwok 更透露，為了打造XiX 少女組合，自己放低了十多年的生活習慣，從前的自由自主時間表將會改寫，也厚着面皮為她們奔走洽談一些合作夥伴和機會，一反常態，而Grace則表示以後不容易隨時隨地，兩個人話去旅行就去旅行！他們表示因為不想埋沒XiX的天份，就趁着XiX年青的時候，助XiX 一臂之力，希望 XiX 不但在香港發展更會衝出香港。

Eric Kwok告訴大家，今次是有很多個第一次，除了XiX 新歌首次發佈，還有 MV首次播放，正式第一次公開唱跳演出這首新歌，而自己是第一次做經理人，第一次和太太合作，共同工作，很多的第一次也會很難忘。

形象顧問則由Eric Kwok太太Grace「葉偑雯」主理，她表示自己非常投入這個工作，就連發夢也會想起XiX做什麼造型好！加上靈感也是來自優先欣賞新歌曲，然後配合整個整體感覺作出調整，Grace亦想起當初自己出道也是以唱跳為主，今次與Eric Kwok 一同打造XiX 少女組合，令她想起很多往事。

XiX表示非常滿意新形象，可以帶出獨特的風格配合新歌，難得Grace 更提供私人珍藏飾物供造型需要，令XiX成員都非常感動，感恩！形象定位來自不同地區，例如韓國日本女團的造型混合體！創出一個全新的少女感形象。同時XiX 也非常受教，她們表示明白Eric Kwok教導的人生道理，獲益良多肺腑之言，也表示感激之心，相信在Eric Kwok和Grace葉佩雯的悉心栽培下和引導下，她們將會發出一片光彩的旅程。

XiX先後跳唱《Miss you much》和《SiS》，落力演出掀起全場高潮，更與粉絲大玩合照Pose及動作猜迷遊戲。發佈會尾聲時進行了頒發證書儀式，由環球唱片副總裁Ross上台頒發開學證書予XiX每一位，寓意歡迎她們加入環球大家庭，為發佈會劃上圓滿的句號。