方俊奪全國網絡歌手殿軍為港爭光 張偉文：「叻！我冇睇錯人，恭喜方俊。」

「靚聲王」張偉文經理人方俊即使失落TVB <中年好聲音2>，但塞翁失馬焉知非福，在恩師張偉文鼓勵下，日前再戰第一屆 《中國寧夏‧平羅全國網絡歌手大賽》決賽傳來喜訊，除勇奪殿軍外，更以6萬多票囊括「最佳人氣歌手獎」，為港區爭光。作為師傅的張偉文開心到爆說：「叻！我冇睇錯人，恭喜方俊。」

《中國寧夏‧平羅全國網絡歌手大賽》參賽者從全國26個不同省份，數萬位報名者中，經專業評委海選300人進入初賽，再打入50強複賽，方俊跟前組合EO2成員彭廸安（Eddie）齊齊晉身12強決賽，最後方俊以廣東歌 <一生不變> 成功突圍。賽後他獲表演嘉賓潘美辰祝賀，方俊開心說：「面對超強對手，參賽心情如同坐過山車咁，所以得到呢個成績算係對得住師傅，對自己亦有交代，好滿足喇。」

方俊返港後第一時間跟張偉文及方媽媽分享喜悅，兩位老人家手持獎牌不停騎騎笑。為報答恩師栽培，最近方俊已安排張偉文搬往一間院舍較大，較有規模的老人院，所以精神都好咗。雖然負擔大咗，但能讓張偉文住得較舒適，安享晚年也在所不計，方俊認為最緊要有足夠人手照顧院友，令偉文身體健康。 方俊更承諾：「任何節日，任何開心嘅嘢，我都會第一時間同佢分享！」偉文即點頭畀叻，讚徒弟有情有義，成為他晚年最大依靠。