人氣花旦姚子羚 夥拍帶貨女皇 首度登場美容直播 公開分享護膚之道
人氣花旦姚子羚（Elaine）早前於劇集《一舞傾城》飾演警察臥底，以身材 Fit 爆造型成功吸睛帶來話題，網民也一致讚揚其演技出色。子羚勤力密密做，近日更登上社交媒體，大談美麗之道並分享拍劇苦與樂。
首度登陸 ViVi 直播基地 力推美容級別 Skincare 早前姚子羚首次與 Mixx Collection 帶貨女王 ViVi Chan 潮玩直播，聯同供應商老闆娘齊齊介紹星級專業煥膚抗皺護膚品，正所謂「三個女人一個墟」，兩個多小時生動直播互動及示範，配以激荀價，成功創出超過 3,000 人同時在線觀看紀錄，
網民都瘋搶兼留言大讚「姚子羚好靚」！
對於首次直播帶貨，姚子羚表示非常有新鮮感，但原來最初都有點擔心並笑言：「見到 ViVi 直播團隊的工作人員都好年青，都驚佢哋會同我講『我細細個就睇你做戲㗎喇，四葉草好好睇呀！』，不過其實我啲朋友有時都係咁講笑，自己都覺得四葉草係個好好回憶，而家都做唔返啦！」。子羚也盡顯專業，與 ViVi 試用及示範產品時亦都大讚，謹守直播帶貨嘉賓主持的崗位。
提到美容秘訣，子羚坦言很少到美容院，因太忙少時間，只能間中去，不過她亦提及自己平日好注重深層清潔及保濕，敷面膜唔少得！
面對首次會面的星級嘉賓，ViVi 初時亦不禁露出害羞之情，大讚子羚好 nice 同之前拍劇做打女好型好勁。子羚藉此公開自己拍劇辛酸：「係要時間練功，自己睇Playback （重放） 唔滿意會打到滿意為止。加上衣服造型好緊身，外景又曬又熱，好花體力，後尾係越拍越瘦，但自己喜歡做嘅野就唔覺攰。」她更提到稍後會飛去澳洲登台，與當地粉絲唱歌玩遊戲。
