徐小明與劉錫賢及陳靖允聯手打造香港人的真正直播平台

日前劉錫賢與陳靖允以導師身份出席於亞洲電視舉行的香港抖音主播及商家訓練營。

劉錫賢表示 : 「講開直播帶貨我印象好深刻，當初以為自己做開主持又有演出經驗做直播無難度啦！第一次做就係2021年雙十一，兩小時就做咗18萬生意，嘩，心雄…第2日再做，點知坐咗兩個鐘竟然零生意…坐到pat pat都扁咗。之後梗係向靖允請教，佢真係犀利，曾經係 [抖音美食榜-食遍天下榜] 第一名同抖音平台長期排頭五位。佢做直播好出色，令我明白唔淨係靠口才好亦唔可以自己做，一定要背後有團隊配合運作。加入咗佢哋嘅團隊之後，而家除咗搵到錢仲好有滿足感，所以一定要分享俾大家。」

至於身為亞洲電視行政總裁的徐小明表示：「我要幫香港人創造一個真正嘅直播平台，當然唔止帶貨咁簡單，與具備豐富戲劇及主持經驗嘅錫賢同靖允合作，两位除咗有高質嘅貨源可推介比買家，仲會親身實操教授戲劇及主持技巧，成為官方主播嘅學員再交由經理人Tiffany協助管理，善用亞洲電視嘅平台，主播們就可藉此發揮賺錢及表現自己嘅好機會，而買家及觀眾們亦多了一個娛樂平台，共創多贏局面。」

陳靖允、徐小明及劉錫賢

導師陳靖允及劉錫賢魅力非凡，一話開班，報名人數太多要分兩場舉行，兩人開心分享成為抖音主播的契機

影視歌三悽藝人陳靖允，現在是著名直播創業家及曾在 [抖音美食榜-食遍天下榜]第一名及抖音平台長期排行頭五位。