高爾宣OSN 夥拍TIAB一齊「突襲」水上樂園 全民造星V希晉、TSoul搶閘亮相水上派對「試水溫」

早前在西九舉行的「Space Music Festival」 反應熱烈，ECHO HK及DLLM Production再度舉行《Space Music Festival : The Cosmic Splash》，於9月23日移師到香港海洋公園水上樂園舉行，為樂迷舉行濕身狂歡派對！

高爾宣OSN伙拍TIAB再次現身舞台備受關注，粉絲網上表示憂門票被炒賣，高爾宣OSN 笑言自己落手幫粉絲買飛：「上次西九音樂節有粉絲哭訴門票被炒賣，被逼要買『黃牛票』，這次我也特意問大會能否先給粉絲訂票，如果還不夠，我就跟助手在公開發售時一齊搶票！」。今次活動在香港海洋公園水上樂園舉行，觀眾除了聽歌外，更可場內「玩水」，TIAB 揚言可能會與高爾宣OSN「突襲」水上設施一齊狂歡：「我已經準備好戰衣同玩水嘅泳褲啦！到時天氣應該仲好熱，所以我都好想落水玩下，如果大家見到我哋玩水上滑梯唔好太驚訝！」

而全民造星V殿軍希晉都出席《Space Music Festival : The Cosmic Splash》，笑言音樂節表演比參賽更有挑戰性：「要保持大家興奮嘅心情，歌曲選擇上相當有難度，加上唔再係參賽者嘅身分， 正式入行，演出心情會更緊張。」希晉亦希望音樂節快點來臨，儘快與歌迷見面且度過難忘晚上：「大家到時都應該玩得幾癲，都唔知會唔會唱唱吓歌比人射濕晒，不過都冇所謂啦，最緊要大家玩得開心！」

另一造星V成員TSoul十分感激fans一直支持，對首次參與水上音樂節表示緊張：「有擔心過其他入場嘅樂迷識唔識我、鍾唔鍾意我，但我好感恩有Soulmate一路以嚟對我嘅『愛』，由比賽撐我到依家。」TSoul揚言會好好練習，並請大家期待演出：「呢個將會係我好重要嘅演出，希望可以留到個好『炸』嘅印象比大家！」