莊思敏Jacquelin 開設個人TG 群 分享投資心得

拿督千金名模莊思敏(Jacquelin)最近十分之活躍,開行工作Mode嘅佢繼熱播劇《一舞傾城》「魚旦媽」一角獲好評後將會劇接劇出街。除咗努力工作同出席大小聚會外,一向有研究投資項目嘅Jacquelin仲睇緊好市道作唔同嘅新投資。並喺密密上載影片嘅各個個人網絡頻道上分享投資心得,求知欲強又親民嘅佢更加開設個人專屬Telegram Group,不時同Group友交流分享。

繼早前與最近被爆同歌手AGA秘婚,坐擁過百部的士及過億元物業資產嘅的士車行太子爺「的士邦」鄭子邦拍片入手的士牌投資後。向來豪氣嘅Jacquelin最新剛上載佢自己由銀行即提大拿拿港幣200萬現金直接去加密貨幣兌換店當場數錢作新投資。Jacquelin更即場分享入市好時機同解釋點解揀進行質押以收取高額利息嘅做法。唔少網民留言讚佢眼光獨到、豪氣十足…更有男網民擔心佢一個女仔攞住港幣200萬現金周街走,自薦做佢保標護送佢…….經常來回兩岸三地嘅Jacquelin工作接踵而來,又咁識睇準時機四圍入市投資,計我話呢個「小富婆」先係搶手貨呀。

https://youtu.be/8AyRMb3AZwc