何展睿為新歌於香港尋找曙光

唱作歌手何展睿Steve有感近期疫情反彈，除了早前落區送暖外，近日再次創作抗疫新歌《曙光》為港人打氣。新歌即將面世前，Steve為配合新歌主題，進行「尋找曙光大行動」，花了半個月於各區尋找「曙光」及拍照記下疫情下的香港，希望從聽覺到視覺都給予樂迷正面力量。

拍攝過程中最難忘要算是尋找曙光的準備，Steve表示：「首日拍攝曙光，已事前確定日出時間，可惜忽略當日係陰天，吹風吹咗成個鐘，最後無功而回。去到第二日天氣終於變翻晴天，成功捕捉曙光。雖然記得個日天氣好凍，但感受到陽光的溫暖，鳥語花香的環境，好有滿足感，都算值得！」

此外，Steve表示今次新歌錄音首次採用「遙距錄音」方式，主要因為疫情關係而靈活應變：「因為疫情加上錄音要除口罩，自己又唔係好放心係另一個陌生環境除口罩，靈機一觸唸到係自己音樂學校錄音，因為自己好注重室內衛生，相對會較為放心。雖然錄音儀器唔係最好，但希望自己事前功夫做足，用心唱好搭夠啦！而最特別今次首次採用遙距錄音方式，用視像同監製溝通仲要自己幫自己錄音，用多咗好多時間，但成為自己投入度最高既一首作品，加上太太係錄音前一晚整咗餐好好味既晚餐，今日先有力量唱好首歌！」

講到新歌宣傳方面，Steve將於本月(4月)發表新作，但礙於疫情影響，將會改為線上宣傳，介時會舉行線上音樂會以及舉行人生首個迷你攝影展作分享。