大埔Lulu董嘉儀轉型做瑜伽導師

「大埔Lulu」董嘉儀日前接受香港開電視主播馬梓軒專訪，更即席炮製賀年特色窩夫。被問到會否趁農曆新年親自下廚，Lulu笑言：「平時我會親自下廚，但去到新年呢啲節日，因為屋企人多，媽咪、阿姨佢哋個個都會煮自己嘅拿手菜，所以過年我只需要負責食，品嚐好多美食就夠啦！」

Lulu表示即使過年吃得多也不擔心，因為會經常做運動。現時是瑜伽導師的Lulu，回顧去年事業發展，亦坦言不是一帆風順：「其實上年自己都有迷惘嘅時候，係瑜伽令我搵咗一條新嘅路去行，亦都係令我堅決向呢個方向發展多啲！喺去年尾我就用咗幾個月時間儲咗一班學生，而學生對我嘅教學亦都好滿意，覺得我幫到佢哋，我覺得係一個好大嘅成就！」

展望新一年，Lulu透露會繼續演藝路，希望有更多作品推出：「上年我都有拍劇，同埋上演藝課進修，其實我係冇放棄嘅！好多人問我而家係咪唔做幕前，但我係會繼續喺幕前同大家見面，可能喺電視或者網上製作唔同嘅影片，我都好想試吓做節目主持㗎！」