陳婉婷、香珮汶、小豆（KOL) 、Angela 為Uplive拍廣告
藝人陳婉婷、香珮汶、小豆（KOL) 、Angela 日前為直播平台Uplive拍攝廣告，Hebe 笑言是今年最後一個廣告工作，她作為誠心教友，聖誕節對她來說意義重大，她預告當日會到道風山參與宗教活動，與家人睇聖經了解教義：「因為聖誕節係耶穌出世嘅日子，細個我都好多時會同教會嘅朋友過，但係大個咗或者出嚟做嘢之後少咗參與，近排因為好朋友令我再重搭宗教，所以今個聖誕我會同好朋友、屋企人去道風山度過，一齊睇吓聖經咁慶祝。」
Hebe就話舊時掛住搵錢，放棄與家人聚天倫嘅時光，所以當年離開TVB之後，第一次同家人去日本慶祝聖誕節：「當時就係疫情之前，係我第一次睇到落雪，一邊睇雪一邊浸溫泉。舊時淨係Focus喺工作，好怕離開咗香港會錯失機會，而且我當時冇乜積蓄，所以足足七年都冇同屋企人去過旅行，到今時今日大家都仲會提起，真係好難忘。」
近年做直播主播旺丁又旺財，但陳婉婷就話自己唔識買「貴價」禮物，唔會亂咁花錢：「我開party買親禮物大家都唔想要，諗住實用啲買頸巾、充電器，但比人嫌棄！嚟緊大家都仲未可以去旅行，所以我一定會做直播同Fans見面，感謝大家一直嘅支持，令我來年都可以繼續追夢。」
同場的香珮汶就話今年直播收入不俗，豪花五位數買禮物贈好友：「大家今年都唔可以旅行，所以好多Party嘅邀請，買吓買吓都成萬蚊！不過依家疫情都幾勁，大家都要留意吓，同埋大家『餓」咗咗耐，要小心啲唔好飲醉，有咩蝕抵就唔好啦！」
小豆（KOL)
Angela
