丁子朗、何廣沛Chok爆《ONE PIECE海賊王》MOST-SWEET Seacation聖誕啟航

為慶祝動畫播映1,000集及預祝漫畫連載25周年，風靡全球的人氣動漫《ONE PIECE海賊王》與馬鞍山MOSTown新港城中心攜手打造「《ONE PIECE海賊王》MOST-SWEET Seacation聖誕啟航」主題活動。由11月30日至2022年1月2日，7米高巨型充氣船長路飛亞洲巡迴展將以首站登陸MOSTown商場中庭，畫面震撼！而即日至2022年1月2日，日本官方團隊設計、全球首度登場的7米高超巨型「MOST-SWEET 烈陽號」海盜船亦已駛進商場，一眾經典船員角色以首度曝光的ONE PIECE SWEETS系列造型，打扮成巨型甜點的船員現身不同角落之餘，船上更設置7大展區，讓大家冒險探索玩樂一番！

TVB兩大型男丁子朗（Karl）和何廣沛（Matthew），以及ViuTV戀愛真人騷《阿女又戀嚟》的參加者Catry（李創偉）和媚姨（陳月媚），今日一同現身新港城中心「《ONE PIECE海賊王》MOST-SWEET Seacation聖誕啟航」主題活動7米高巨型充氣船長路飛。為配合《ONE PIECE海賊王》經典船員角色造型，獲網民封為「隱世大隻仔」的Karl，聯同密密操肌、擁14吋粗手瓜的Matthew齊齊大晒「麒麟臂」，並於7米高巨型充氣路飛前，擺出「路飛」經典招牌動作鬥Chok合照。

自幼愛看動漫的Matthew興奮說：「《ONE PIECE海賊王》係我鍾意嘅漫畫之一，可以親身睇到7米高超巨型充氣路飛，今次仲要係亞洲巡迴展首站，能夠先睹為快，真係好開心、好震撼！」而近日於新節目《聲級學堂》表情包大放送的Karl，表示可以扮鬼扮馬好好玩，對於被指十足真人版「路飛」，他謙稱船長路飛比自己更靚仔有型，但也恨拍《ONE PIECE海賊王》真人版。

另一邊廂，早前於《阿》不滿女兒Cathy沒選擇跟Catry發展的媚姨，臨近充滿浪漫氣氛的聖誕節，竟相約「阿女前度」獨自去偷歡！相隔數月再次重遇爆肌Catry，媚姨即「心心眼」翹實對方踏上「MOST-SWEET烈陽號」，二人先於粉紫色巨型花牆浪漫談心，接着走到「甜萌盟 Cupcake DIY 體驗館」製作聖誕e-card互送對方，Catry更識做地拎起可愛Cupcake作狀餵「前外母」食，得媚姨甜絲絲嘴角向上揚。最後，他們於巨型「Cocktail Spa」一起浸泡泡浴，為這趟Sweet爆Seacation畫上完美句號，媚姨向Catry打趣道：「阿女唔揀你，唔緊要，仲有我！可以同你一齊提早慶祝聖誕，真係好滿足。」