劉威煌進軍飲食界4年 成功開拓首間聯營店「珍煮丹(香港) X ALL DAY」

歌手劉威煌（隊長）進軍飲食界十分成功，由其代理的台式飲品「珍煮丹(香港)」今年踏入第4個年頭，擁有3間分店。劉威煌繼續大展鴻圖，「珍煮丹(香港)」成功與香港品牌 「ALL DAY」合作， 在上水廣場開設第一間聯營店「珍煮丹(香港) X ALL DAY」，今日(11月14日)舉行隆重開張剪綵儀式，演藝界好友海俊傑、伍仲衡（伍大師）出席到賀，不少市民圍觀，十分熱鬧，而黎瑞恩、何婉盈、區永權與太太等送上花籃恭賀。

本身已擁有3間台式飲品店的劉威煌表示首次搞聯營店，是他與一位圈外朋友二人合資，共投資過百萬港元，希望台式飲品店「珍煮丹(香港)」下年可以在旺角及大埔再開兩間分店，他笑言：「本來想在將軍澳開店，但搵咗兩年，等到依家依然插針都插唔入。」

劉威煌除了飲食版圖愈搞愈大之外，最近更成立製作公司，應美國男裝服裝品牌jp：by j Peterman邀請擔任品牌形象及宣傳推廣，海俊傑及伍仲衡今日更特登穿上劉威煌贊助的服裝出席，威煌感動謂：「唔洗多講㗎喇，我會永久贊助海俊傑及伍Sir（伍仲衡）永久任食、任飲、仲任穿服裝。」

剪綵儀式原本中午12時正舉行，但因伍仲衡今日遲大到，遲了半個鐘才舉行，伍大師非常歉意說：「頭先我無罅罅去咗迪士尼，明明揸車導航set 咗上水廣場，但導航就帶咗我去青馬大橋，仲入埋迪士尼，心急到我不得了，我一早出咗門口㗎啦，要兩位老闆等埋才剪綵，極之唔好意思！」

問到伍大師是否羡慕劉威煌愈搞愈多生意？伍大師直言：「我好戥佢開始，唔會羡慕，因為我只喜歡做音樂，音樂就係我全部及唯一的生意，只想專心做好音樂，其他生意唔會諗。」

而海俊傑與太太晨早到場恭賀，他笑言：「為咗隊長晨早起身都值得，其實我地認識係因為細佬海俊文都係巨星幫，當年隊長成日去我細佬屋企玩，之後就同隊長做咗好朋友，佢嘅嘢一定撐！」而海俊傑的太太早前開辦了一間香薰蠟燭工作室，他開心透露生意不錯，太太逢星期五、六、日都要教班，雖然與太太各有各忙，但兩人一定會爭取時間拍拖。