張文傑以女僕裝孖梁祖堯、李司棋拍戶戶送廣告

動員演員張文傑 (German) 夥拍梁祖堯、李司棋拍攝新一輯「戶戶送X麥當勞」廣告，與梁祖堯一起穿上女僕裝在咖啡館和以拳手造型在拳館接收外賣，李司棋化身「戶戶送送餐專員」，十分搞鬼。German不是首次穿上女裝：「十幾年前因工作關係，我經常著女裝，因為以前又高又瘦，我依種身型幕後做女演員替身係最適合不過。以前做女演員替身已經好多人讚我靚女架喇！」

而首次穿上女僕裝的他：「唔知點解一穿上已好自然投入左角色，化妝師幫我係臉上畫一個心型，我覺得自己靚左，可愛左，講野都溫柔左，我覺得我可以挑戰拍攝電影《翠絲2.0》。」

今次與祖堯合作，興奮表示：「係超級過癮，我地兩個拍攝期間，不停撞到好多橋出黎玩，大家都笑到停唔到，好期待下一次同祖堯再jam下。」

而司棋姐令他感覺到有媽媽的感覺，German：「司棋姐係一位好有愛既前輩，佢不停讚我好靚仔，又讚我好靚女。但當見到我有紋身既時候，母愛突然湧現，嚴肅地問我咩黎？唔痛架咩？做咩紋身呀？」我唯有尷尬地回答：「因為靚。」