慈善名媛薛幼妮與藝人湯寶如、名模何紫綸和基層小朋友「甜心童樂」

暑假結束前夕，嘉凡娛樂主席薛幼妮Amanda 在 烘焙店舉辦了一次「甜心童樂」活動。今次活動特別邀請了對整甜品方面頗有研究，已獲英國PME專業證書的藝人好友湯寶如作為愛心導師教一班基層小朋友整甜心馬卡龍，名模好友何紫綸Ann作為愛心助手與小朋友一同整甜品。樂信兒童慈善遊戲治療中心為今次活動贊助福袋送給參加活動的基層家庭。

Amanda：「我們定期都會舉辦一些慈善活動，最近因為疫情無法舉辦大型的慈善活動，所以就構思搞小型活動，咁啱撞正暑假就諗到不如搞一次手作坊比基層小朋友，好友湯寶如答應教班小朋友，順理成章就舉辦咗今次嘅甜心童樂。見到小朋友整得咁開心，我自己都好開心。」

湯寶如：「我自己都好鍾意小朋友，今次一聽到Amanda邀請二話不說就答應咗做導師教小朋友整甜品。今次活動我覺得好有意義，見到大朋友小朋友都整得禁開心，自己都好有滿足感。剛剛從廣州回港，原本擔任演唱會嘉賓，因為疫情非常嚴峻而取消演出，只能留在酒店白白隔離21日，在酒店房間聽音樂做運動食嘢，無咗一個月非常無奈、希望疫情快點消失。回港後Amanda就約我做這個烘焙慈善活動、教小孩子整甜品，佢哋好聰明。見到佢哋成功完成馬卡龍、食得非常開心。」

Ann：「其實我都未整過馬卡龍，都係同小朋友一齊學，小朋友都好聰明聽住教學都知道要點整，亦見到好多小朋友發揮自己創意將馬卡龍整成不同形狀，小朋友們真係創意無限，唔單止佢地獲益良多，我都過咗一個好充實嘅下午。」

今次「甜心童樂」活動邀請了23個家庭參加活動，因疫情關係，大家都非常注重防疫措施都戴口罩、整甜品前洗手，用消毒搓手液搓手等等，雖然疫情期間大家都需要帶口罩，但都無阻小朋友的歡樂聲充斥着活動場地。