「DJ女神」樂宜創食薈擔任代言人 炮製愛心拉麵畀FANS食

「DJ女神」樂宜（Lokyii）為Food Creative ，昨日（8月8日）出席美食廣場新裝潢的開幕儀式，兼為FANS親自下廚炮製愛心拉麵。活動未開始前已經吸引眾多FANS到場打氣。

樂宜（Lokyii）：「今日嚟係幫創食薈揭幕，同埋煮拉麵畀FANS食，我煮嘢都OK，尤其係打邊爐！（打邊爐唔使煮喎）係呀，就係唔使煮先叻。平時食就多，真係自己煮就好似係第一次。」不過她又面帶尷尬的說：「我份人好大食，呢排又真係食多咗，趁夏天未完要減減肥先，咁樣著BIKINI先靚嘛。」

樂宜（Lokyii）也透露了最近的工作安排：「而家主要接吓廣告囉，今個月特別多DJ打碟嘢做，隔兩三日就有一個騷，同埋最近我都做咗隻EDM新歌，叫《THE NEW LEGEND》，聽經理人講仲要錄兩首新歌，我唱㗎！有一首係火火填詞，另一首梁柏堅填，11月上下就會完成。」