張彥博、龐景峰、唐貝詩、蔡頌思捧場新生代陸俊賢、黃寶瑤、曾頌珊、潘瑶均動作喜劇《我要做特務》

2021-06-03 浩楠

由香港夢行者影視文化集團及馬來西亞以和電影制作公司出品，香港及馬來西亞攜手合拍青春動作喜劇《我要做特務》(Call Me Agent)，6月3日在港上映，並於6月1日(星期二) 假圓方Premiere Elements戲院舉行首映禮，首映禮有多位圈中好友捧場，包括張彥博、龐景峰、唐貝詩、蔡頌思、姜卓文。

該片男女主角陸俊賢與黃寶瑤及演員曾頌珊及潘瑶均是新演員，該片更佔了8成演員為新人，據出品人Sammy So (庖丁)在首映禮上表示一直都對電影有一團火，更感謝馬來西亞以和電影制作公司一起創造這個夢想，當日大家決定起用新人，也是為了延續電影夢想，該片大部份都在馬來西亞取景，所以十分期待疫情放緩，能有機會到當地舉行首映禮。

陸俊賢與黃寶瑤幕前主角兼要幕後為電影搵發行，首映禮上男女主角陸俊賢與前女子組合「星座少女」成員黃寶瑤對於電影等了三年終於上映，異口同聲表示興奮 :「本來已打定輸數，有晒心理準備上唔到，依家上到真係就好開心 ! 」，他們除了幕前演出，還要兼顧幕後，黃寶瑤兼任電影網上宣傳，陸俊賢要親自打電話到發行商、戲院爭取電影上映。陸俊賢說：「之前拍非主流公司電影，亦試過厚著面皮打電話畀發行商，今次都打咗二、三十個電話加上Email給發行商、戲院爭取上映。」講到戲中黃寶瑤跟朱咪咪飾演母女，她說：「跟朱咪咪合作初期係好緊張，但咪咪姐很好人，經常請大家食嘢。」

兩位靚女唐貝詩、蔡頌思跟龐景峰學打空翻已有一段日子，昨日見唐貝詩膝蓋貼上膠布，問她是否學空翻受傷時，唐貝詩解釋是三月時不小心跌倒所致，跟玩空翻無關，就因有學過空翻底子好，所以當跌倒的時候，身手靈活不致於太嚴重。

張彥博:同阿Moon終於可以成為夫妻而張彥博最近正埋頭創作歌曲，他抽空出席首映是因為跟導演和咪咪姐都曾經合作又是好朋友，而最近與劉佩玥合作唱了一首歌，亦一齊演出TVB劇集《逆天奇案》。阿博話 : 「今次係演阿Moon前夫，總算做到人夫喇，可以講係圓夢，因為之前拍《一屋老友記》佢係我女神 ! 只不過呢部劇嘅結尾我又係要領飯盒 ! 都唔知點解好多次都係咁，希望有一次可以做領飯盒嘅主角啦! 」而阿博今年仍然會繼續出新歌，就因為想繼續自己鍾意唱歌的夢想，所以會努力做更多不同工作來自資錄歌，他說自己跟好多香港人一樣，面對好多困難，不過大家就一齊努力逆景自強 !