樂隊「初久」主唱Meimei 投身主播搵真銀幫補音樂

國際直播龍頭平台BIGO LIVE進軍香港市場，在大手筆在中環買下廣告看板，提供旗下主播優質曝光，日前特意邀請Amy、Meimei拍攝廣告。樂隊主唱陳美瑩Meimei網上翻唱容祖兒金曲搵真銀

Amy 透露網上Fans太熱情，突然送上六位數禮物，嚇到她立即Offline不懂應對：「可能大家網上講嘢都會自在啲，咩都敢同你分享，試過有人同我講佢『變性』心路歷程，聽人講嘢成為我網上最大職責。」笑言不時「轉台」，與世界各地網友交流：「杜拜、南美、東南亞fans都有，其實大家關係似朋友，依家疫情就要網上見面，我都希望快啲通關去旅行，咁我就逐一拜訪佢地，順便環遊世界開吓眼界！」

同場的樂隊「初久」主唱Meimei：拍攝廣告初時自己表情略為生硬，但很快便放鬆心情，擺出不同Pose。Meimei表示疫情期間「搵食艱難」，很多騷都被逼取消，為幫補支出轉投主播行列搵真銀：「坦白講，做主播搵得仲多，不過我唔會放棄做音樂，雙線發展係冇問題，反而令更多人接觸到自己嘅音樂，係另類宣傳。網上啲Fans成日點唱容祖兒嘅金曲，而佢又係我偶像，如果有幸同佢合作真係死都願意。」

Meimei就話為音樂「捱世界」，為慳錢自己落手落街裝修Band房：「其實所有做音樂嘅都明白呢啲苦況，我試過自己搬樂器去出騷，為慳貨車錢慢慢行去，搞到個妝都融晒。依家最想上Chill Club唱歌，作品上到電台榜，我會努力向呢個目標努力。」