[浩楠推介] 京都一串中環高質串燒店串串都有驚喜

今日放假走左去離島行左轉，坐船番到中環個肚開始餓，聽講蘭桂坊開左間好正既日式串燒餐廳「京都一串」，咁就去試下睇下有無驚喜先。

都好易搵，就係藝穗會對面，上到去安排好位置，服務員送上福岡縣煎茶，打開個餐牌見到樣樣都好似好正咁，服務員好貼心咁推介下左時令多人食既比我地。最後我地兩個人就點左，銀杏﹑鹽燒雞翼﹑紫蘇葉雞皮蝦卷﹑ 燒牛舌﹑日本雞腎﹑ 日本雞心﹑雞肝﹑汁燒豆腐﹑蘆筍豚肉卷﹑燒白鱔﹑串燒日本廣島蠔﹑紐西蘭羊架等。

牛舌好厚肉，夠肥美，燒得不會很乾，好多肉汁。

雞肝﹑ 雞心﹑ 雞腎，各有特色，送酒一流。我個人就比較喜歡雞心，當然雞腎同雞肝都好吃。

蘆筍豚肉卷，豚肉燒得脆脆的，蘆筍好新鮮，自家制汁燒豆腐，外脆內軟，自家醬汁很好味。

銀杏，煙煙韌韌，鹽燒帶出鮮味，有機會可以一試，我就愛上了。

跟住上既就有鹽燒雞翼及燒白白鱔，雞翼皮好脆，肉仲好嫩滑。白鱔皮脆厚肉。

燒日本廣島蠔，好肥美多汁，記得趁熱食。

紫蘇葉雞皮蝦卷，紫蘇葉跟雞皮包住虾黎燒，一啖就有3種口感，有焦香味。

主食就有，紐西蘭羊架及牛胸腹。牛胸腹入口即溶，紐西蘭羊架5成熟剛剛好。

飲品方面，京都一串都好多選擇有清酒﹑梅酒﹑柚子酒﹑啤酒選擇，不過我地都唔飲酒，所以就點左，梅子蘇打同提子乳酸蘇打。酸酸地比較醒胃。

食完咁多野都差不多了，最後吃個甜品，大滿足的一餐。