麥貝夷讚嘆李昊昕幕前幕後瓣瓣掂

亞洲電視大搞網上直播音樂秀。其中一個環節，歌手麥貝夷更與一名貌似韓國型男的表演者十指緊扣地大唱情歌！原來這位型男名字叫李昊昕 （Bryan Li），本身是一位歌手和音樂人，更是這次亞洲音樂秀的項目經理，可謂幕前幕後都瞓身参與！

問到麥貝夷對與型男合作，有沒有觸電嘅感覺？她笑著道：「我真係覺得佢好型，又彈得一手好琴。同佢唱《勾手指尾》時，第一次合作我已經覺得佢把聲同鍾一憲好似！加上首歌都唔易唱，我覺得佢好犀利！同埋佢好好人，肯為我同林子博一首合唱歌花時間去伴奏同練習，真係好欣賞佢！」

至於被問到幕前幕後都要兼顧，會否好辛苦？Bryan則表示自己最喜歡挑戰：「其實在亞視我即將負責以音樂為主嘅節目，包括band show同mini live show，而作為音樂人同表演者更容易令我了解到一個show需要啲乜。我都希望觀眾能夠欣賞到一啲比較新世代嘅節目，我亦唔介意忙碌啲去揾啲新元素比大家！」