A5李璧琦拜師 跟「拉麵食堂藏」 栗原先生學整拉麵

繼早前飲食節目後，藝人李璧琦有份演出的新劇《C9特工》。由於疫情影響，璧琦除了在家不斷煮飯外，就連新劇中的角色名字也叫做「A5」（和牛級別的稱呼），可謂與食結下不解之緣。近日她更向一位在港居住多年的日本拉麵廚師學藝，似乎真的「煮上癮」！

被問到可會製作自己的烹飪節目，璧琦解釋：「其實早前我都有在社交平台都有貼上自己在家弄的菜式照片，又有做直播 live show，其實都幾好玩，所以今次又試吓學新嘢。栗原先生（拉麵師傅）其實在香港搞餐廳好耐，其他日本人返哂日本佢都冇走，近期仲逆市開咗間新餐廳，直頭半個香港人咁，所以好開心今次佢肯親自教我整地道嘅拉麵！之後，我都有安排咗同飲食有關嘅宣傳工作，能夠予工作於娛樂其實都幾幸福呀。」

另外，璧琦亦宣告與TVB完成了合約。對於未來發展，她希望可以實現自己當歌手的夢想，亦想向電影圈進發：「這兩個對於我嚟講係新範疇，但當然如果TVB想我返去拍劇，我都會好樂意嘅。始終咁多年愉快嘅合作關係，我歡迎任何機會。」