何展睿處男新碟售罄，感謝樂迷及「靈感單車」

唱作歌手何展睿(Steve)剛推出新歌《動人的眼淚》、首張創作EP《愛情六重奏上集》、更完成新碟發佈音樂會。於逆市中出盡力的他表示：「新歌同專輯其實一早已經籌備，自己一向迎難而上，唔可以因為疫情而令自己所有計劃取消，面對逆境最重要係自己既心境，要健康積極面對，所以完成呢個大project，都準備好整新歌！」

講到處男專輯大賣，他説：「因為知道呢個市道出碟係好困難既事，所以自己唯有用多啲心思係專輯內容上，比買我碟既粉絲感覺到我隻碟特別，唔單只得歌，仲有五官六覺享受。好彩得到支持，第一批碟未上市就已經內部賣曬，要即刻加印第二版推出，我都非常感動！」

而Steve透露專輯大賣除了感謝朋友粉絲支持外，音樂創作更要多謝他的「靈感單車」。他笑指年頭疫情開始便購入一部單車，取代乘搭交通工具之餘，又可當作做運動，強身健體。但原來短短半年，這部神奇單車帶給他很多特別的經歷，好壞參半，他謂：「呢部單車，非常特別，試過踩單車期間炒車、又試過踩單車時諗音樂太入神，跌咗個銀包、單車坐墊比人整爛等，個個都叫我揼咗部單車，但每次踩單車都會帶俾我好多創作靈感，作歌作詞遇到樽頸位時，踩一踩就有靈感，非常神奇！所以儘管單車傷痕纍纍，都唔會唔要佢！」

此外，他更自嘲自己對音樂過分入神，導致經常發生「大懵」事情：有一次踩單車期間不慎跌銀包，當刻嚇到失魂，因為銀包除了有現金還有信用卡等重要物品，絕望之際收到電話，原來有位「路不拾遺」的伯伯在銀包中找到香港作曲家及作詞家協會的會員卡，致電給協會再轉折找到他。這次「大懵」經歷讓他知道社會上還有很多好人，故此他除了致電感謝外，更親自送上自己專輯，以表謝意。並笑言好人有好報，要繼續為社會作出貢獻。