雷深如J.Arie 自己做導演拍《雙面哈菲》Remix MV

雷深如 J.Arie 好開心《雙面哈菲》會得到樂迷同埋電台嘅支持呀！真係好多謝大家！畢竟係成為「毒辣」歌手嘅第一首歌，不論題材或者MV視覺上都嘗試行出左一大步，但係竟然每一日ig fb都有人tag我，話俾我聽佢哋loop緊《雙面哈菲》，仲有最近寫俾JW嘅新歌《小半生》同埋黃淑蔓嘅新歌《猜猜我是誰》，三隻歌嘅曲風同melody flow都唔同，希望大家可以見到更加立體嘅我啦！

原本《雙面哈菲》既編曲由Perry Lau同監製阿Bert造，我真係超鍾意！之後再諗諗吓，其實一個Melody如果轉左第二個編曲，又可以有第二種估唔到嘅感覺，所以好想試吓玩Trap Remix呢個版本，搵左好talented既Heartgrey造佢平時玩開既beats, 再搵埋Rapper 「Geniuz F the FUTURE」加咗段rap! 之前一直好想自己嘅歌入面有rap, 今次呢個Trap Remix版本卒之嘗試第一次啦。因為FUTURE同Heartgrey都係愛音樂同埋平時自己造音樂嘅人，所以呢個Remix版本由零開始4小時已經好快做完了。

呢個《雙面哈菲》Trap Remix 有拍左一個Lyric Video, 今次除咗剪接，仲第一嘗試做埋導演，因為清楚每個鏡頭點拍，先會知道剪出嚟嘅效果係點樣。原來自編自導自演真係一腳踢，不過真係幾有滿足感，尤其係嗌Cut嗰一下哈哈！

今個星期帶俾大家《雙面哈菲》既Trap Remix feat. Heartgrey & Geniuz F the FUTURE, 下星期仲有多一個remix version! 希望大家會密切期待唔同面向嘅《雙面哈菲》！