區嘉雯憑電影《叔．叔》勇奪第39屆香港電影金像獎女配角獎項，嘉雯姐剛為ViuTv新劇《暖男爸爸》趕工，同劇演員得知拍檔獲獎紛紛道賀，劇中飾演嘉雯姐兒子的駱振偉更獻吻，場面搞笑！區嘉雯就話未諗過得獎，深感興奮：「我要感激上主，因為我係教徒。更要多謝導演，比呢知機會我，總之我好開心！」
同場張可頤亦為拍檔得獎感興奮：「我去捧場嗰陣真係覺得好好睇，因為當初嘉雯邀請我欣賞，簡直覺得佢演技嘆為觀止。」 而駱振偉就話自己「好腳頭」，帶旺戲中媽咪：「因為第一日同佢開工，覺得佢好Sweet好Nice，我講笑話呢個仔好腳頭，當然我知唔關自己事啦，所以如果再旺啲，嘉雯姐可能憑呢套劇攞電視獎項，咁就大滿貫啦！」
