【去片：防疫絕招】終於有直接噴霧人身體殺菌嘅產品，仲可以殺滅空氣中嘅病菌。

【UTO財經|菲嚟開股 | 黎家聰】3175的秘密，油價負值！好抵買？

呢輪收到不少投資者對#3175 的投資有好多反應!未講#3175之前先講今次油價的負值成因，主要是指美國時間4月21日到期的5月原油期貨合約，而不是正在銷售的原油現貨，也不是6月份的期貨。當時，原油的現貨依然在20美元，而6月份交收的原油期貨價格，也還在20美元上方，點解會咁大差別呢?

這次的問題是很多期貨投資者為了博取價格反彈，買入了5月期貨合約，但由於價格沒有反彈，沒賺到錢，索性就再等等，但馬上就要交收了，價格還在下跌，如果再不拋售，就真係要拿走原油保管或者要轉到下個月的期貨倉。在期貨炒賣當中交收率非常低，你有幾何見到有人做期貨最後會將Ｄ商品（螺紋鋼、銅、白銀、豆粕、小麥）拎返屋企？

百分之99.9%的投資者都會選擇轉到下一期，但轉到下一期你必須要有人接貨，但今次轉倉成本好高，一轉就唔見20~30%。這種情況下，你一係就拿走實物（成本更高），一係就是砍價賣，如果賣唔到，就一直砍價砍到有人接為止。但人地接貨的前提係必須要對未來的原油價格有一個預期，而且願意支付未來的存倉費，有成本啦總之。咁大家試諗諗，如果我預期6月原油價格要跌到10美元，而且每桶的存倉費用要20美元，我接過來的成本就是30美元，但現在6月的價格是20美元，相當於只要我將你5月的合約接過來，我預期就已經先輸10美元。咁所以，你現在倒貼10美元，我才有接的可能。這種假設下，負值就出現了，最後有人直接補貼到37美元，先有人食貨。

不過，現實當中點解你去入油仲收你錢？唔係應該免費仲送你兩樽水咩？油站都有大量成本，就算油價係零蚊，都有大量存倉費，租金，人工，物流等等，點會免費送給你?

正題啦，#3175 好似跌得少，長線是否抵買？咁你要先搞清楚它的本質。首先，它不是股票是ETF，也不輪証，唔會被人打靶。不過，這ETF是追蹤S&P GSCI Crude Oil Index ER，姐係跟紐約WTI原油期貨合約去做，並非實物原油，所以上文所說的轉倉成本就應用在它的身上。轉倉成本究竟邊個食？當然是轉嫁給投資者，#3175 會分幾日轉倉，但如果像上面所講不問價去轉倉，成本就照食，亦會反應在價格之中。所以這種ETF絕對只岩短打而不適合長揸，否則轉倉成本你就食晒啦，知嗎？

油價在基本面上，只能說是有反彈，沒升幅。所以點短打就自己諗啦。入場前要求知也請定好離場的方案！

利益申報:筆者執筆時沒有持有上述股份。
(以上屬個人意見，絕不構成投資勸誘或買賣建議。)

歡迎讚好及分享!!!!
聰明錢走勢 Facebook Page : https://www.facebook.com/smartmoneytrend/
微信 : darkblazekc

 

去片：Samantha余美虹帶你做吃貨EOL(Eat Opinion Leader)

#黎家聰 #聰明錢走勢 #菲嚟開股 #UTO財經 #3157HK #