溫碧霞新片《墮落花》入圍第4個影展「第15屆大阪亞洲電影節」
溫碧霞（Irene）憑新片《墮落花》繼日前勇奪「愛爾蘭第8屆絲綢之路國際電影節」《最佳女主角》之後，又再接獲喜訊，成功入圍第4個影展「第15屆大阪亞洲電影節」，認真威水！終於在峇里度歲回港的Irene，昨晚（10日）一班好朋友秘密為她慶祝首度獲封國際影后，把Irene搞到感動眼濕濕：「好開心呀，多謝大家畀我呢個Surprise，個旦糕好靚呀，哈哈！我一定會繼續努力，拍多啲好戲畀大家睇。搞到我好感動添，哈哈！我好多謝每一位由出道至今都好鍚我的粉絲、朋友，還有英皇老闆楊生(楊受成博士)、Mani(霍汶希)及所有同事，仲有現在及過去每一位幫過我的經理人，真係好感謝大家！好感恩！真係覺得自己好幸福!」
Irene唯有少少遺憾當時正與家人在峇里度歲，從沒想過會奪得「最佳女主角」，所以沒有出席「愛爾蘭第8屆絲綢之路國際電影節」，未能第一時間攬實個獎，至於獎座及證書Irene表示還未見到真身，好期待咁等緊：「獎座及證書仍在寄運途中，呢個係我第一個國際獎項，仲要係最佳女主角，希望快啲收到啦！」 她再次多謝《墮落花》監製伍健雄，導演李卓斌，英皇電影，及所有幕後工作人員的努力，而今晚（11日）她又起程飛往巴黎為法國電影開工。
《墮落花》入圍影展名單：
「香港亞洲電影節」
「第 10 屆金拉考國際華語電影節」
「2020 年度第 8 屆絲綢之路國際電影節」
「第15屆大阪亞洲電影節」
《墮落花》獎項：
「愛爾蘭第8屆絲綢之路國際電影節」奪最佳女主角
