陳健安上程瑤節目分享防疫貼士

近期肺炎疫情全城關注，除了掀起一輪防疫用品搶購潮外，對於如何做足防疫措施都議論紛紛。有見及此，程瑤近日便邀請了於理工大學護理學院畢業的C AllStar成員陳健安，接受其主持的網上節目《商演女皇》，程瑤表示︰「因為知道佢讀護理系，對這方面有認識，所以便請他來分享更多防疫知識及小貼士，雖然大家都減少外出，不過佢一口答應上來，真係非常感謝佢。」

節目中，陳健安透露近兩星期特別在IG製造了短片教大學防疫知識，笑言為吸引人更加注意，特別把這系列短片命為「煩過你阿媽防疫提醒」，他表示︰「記得年初一時已有確診個案出現，當日我返到屋企冇咩嘢做，便諗拍下片，因為我在防疫方面有一些生活化例子可以做到，唔知大家識唔識，又或者大家可能都會諗到。於是我年初一便拍了一段片，比較生活化。」

提到分享的生活防疫小貼士，陳健安透露主要是如何減少手指接觸外界的東西︰「例如開門可以用手虎口位去開，推門是又唔好用整隻手去推，用腳推門底部，其實目的係盡量減少接觸外界東西，不要用手指頭，因為手指頭大家最常用去摸東西，尤其摸自己的五官。」程瑤大讚他的例子相當實用︰「大家之前可能唔會太留意呢方面，但疫情出現後突然要去學，有這些短片去睇是好事，可以提高大家警覺性。」

此外，陳健安又笑言已在家中設置「防疫區」，他笑說︰「我將屋企有個地方手造成防疫區，如果係屋企人上來食飯，或者自己都好，背囊外套帽，全部放在這裡，唔會拎入房或者拎入屋內，而鞋就抹左先放入鞋櫃。」