【UTO娛樂】周葆諭 女神遊日本 和服出巡

前FFx女神Christy周葆諭最近到日本旅遊，對Christy來講係一個好難忘既東京之旅，因為去左好多好經典既地標，例如東京鐵塔，富士山，淺草。呢啲地標由細聽到大，或者係電影入邊會有，但從來未諗過可以親身去到。

今次係Christy第一次着和服，估唔到都要一段比較長嘅時間去穿著，梳髮，見着工作人員一層層咁加厚、穿上和服都係個幾新奇既體驗，穿好後，女神指數爆哂燈，連老闆娘都大讚Christy卡哇依呢。

富士山個邊比較多靚風景睇，藍天白雲同植物令人放鬆；市區嗰邊有好多野玩同食，或者行下街睇下夜景。兩邊感覺好唔同，都好值得去。

黎緊呢個學期準備去實習，要離開高雄去其他縣市，重新適應一個新地方、新時間表、唔同既老師和同事，令Christy有啲擔心。一路以來，讀得越耐就越覺得好多自己未知嘅知識，要慢慢去吸收去見識，依家都要做多啲準備，希望到時實習可以熟悉啲減少失誤，可以順利渡過，學習到更多臨床技巧。這幾年都辛苦的，(靚女不是多男師兄幫嗎？)Christy講師兄師姐都好照顧自己，只係自己要求高，偏要做到最好，還有是除功課理論外，更要落手為病人做治療，考真功夫，無得hea做或靠人哦，所以Christy一直好認真不斷努力學習，成績都位列前茅。

#周葆諭 #UTO娛樂