組合BG.s成員首推個人單曲簽唱會前出海鬆一鬆大騷fit爆身材

成日都聽到啲組合合作難免有啲小拗撬，但係BG.s呢兩位靚女主音既係好拍檔亦係好姊妹從來都無隔夜仇，兩位今年夏天都首次推出個人單曲，風格好特別好有個人特色，自己圍內都好撐對方咁話！

早前心心係菲律賓海底拎潛水證書一圓兒時潛水夢，佢笑言曾經聽過如果有幸親身遇到海龜，將會有幸運降臨，今次水底拎證書仲一次過遇到七隻海龜，幸運沒法擋啊！

前日就見到為迎接簽唱會一早將身材操到fit一fit既兩姊妹一齊出海，簽唱會前減減壓咁話喎。雖則CC不熟水性又怕曬太陽，但係閑時也會去陪心心出海暢遊，真係紫外線都阻隔唔到佢地姊妹情深啊！