【UTO娛樂】朱紀菲: 進駐ARCO創業身體好葉子淇: 生意無煩惱

2019-05-19 UTO

【UTO娛樂】B1女子組成員，財經女神朱紀菲YEnnas和葉子淇Charlene雙雙孖住出席共享工作空間ACRO中醫茶聚研討會。YEnnas坦言無想過ARCO十分細心，會舉辦中醫講座，特別照顧進駐創業嘅老闆們，主辦單位表示，共享工作空間優勢在於一般出租辦公室外，更會多舉辦活動，讓創業老闆互相認識，擴大朋友圈子之餘，更做就各老闆生意連線，今次特別辦中醫講座，亦希望令各位老闆更注重身體健康，生意和健康都同樣重要。

至於現在全情投入做財經女主播的YEnnas坦言對中醫方面認識不多，今次高興獲主辦單邀請做嘉賓，順便自己都取下經，長知識，自己都有留意藥業股版塊，勝在夠穩陣，投資有道。談到工作和健康，她稱因工作忙關係，睇市，做分析，寫股評稿，經常廢寢忘食，成日要追股票市況，情緒緊張，加上現在都市人都不停用電腦和手機，個個都做低頭一族，都會有腰酸背痛等都市病，平日慶幸有媽咪湯水滋潤及做運動keep fit。

黎梗工作方面，YEnnas透露和Charlene將與一家直播公司合作，推出集娛樂和財經於一身的新節目B1女子組，同幾位隊友一起主持，並於中、港及海外地方做直播，除咗講下扮靚心得，破天荒屆時會邀請商界名人和股評人分享財經猛料，更會直接講解股市走勢和成功捷徑。其實做財經之前YEnnas和Charlene也做過兩年直播主持，她們表示，其實主播之間的競爭很大，還要互相鬥搶粉絲，不分男女主播，好多都係紅一陣又靜一陣，浮浮沈沈，有如一個小娛樂圈，當中有許多不為人知的辛酸和爭抝，一樣係相信有人嘅地方就八卦咁啦。