[食住上.上菜啦] 許嘉浩帶巴喇莎試食 老三火鍋老鴨湯煲專門店

著名形象指導暨藝人許嘉浩(Karl Hui)與性感女主持巴喇莎(Stephanie)為蕭若元創立的人氣網台「謎米香港」開拍新一輯飲食節目《食住上.上菜啦!》，將走訪全港各區的出名餐廳食肆試食並邀請美食幕後主腦及星級主廚入廠細味分析食之奧秘。

適蓬近日天氣大變，更不時寒風陣陣。所謂「不時不食」，出名平時四周覓食的「食家」Karl首集竟然雄心壯志帶巴喇莎走入旺角叫「老鴨」比對方補補身! 原來Karl帶路去開左八年在旺角道專食老鴨湯煲嘅老字號「老三火鍋 – 老鴨湯煲專門店」食專人揀嘅靚老鴨進補。

超鍾意飲原味湯嘅Karl笑巴喇莎天氣凍都著衫性感單薄，唔怪得之佢同好多人一樣近日都患流感病倒。提醒對方感冒千萬唔好飲雞湯，飲老鴨湯反而老少咸宜。有修讀食療課程的Karl仲「中醫師」上身話鴨味甘性涼，可補虛除熱鮮毒，調和腑臟，通利水道，定小兒抽風。解諸毒，止熱痛，生飢歛癒。現代人生活壓力大，身體疲勞又情緒不穩一星期飲番一次岩哂!

好學嘅巴喇莎仲施展美人計電暈師傅問湯之秘密。師傅話鴨湯每日要經四小時煲製，再加嫰滑的BB「米鴨」再淆製，將營養特別容易吸收。鴨肉中嘅蛋白質含量約16％-25％，比畜肉含量高得多。鴨肉蛋白質主要係肌漿蛋白和肌凝蛋白而另一部分都係是間質蛋白，所以平時常做運動健身人士都好岩食。

期間聲稱新年後食多左要修身嘅巴喇莎突然豁出去食哂成隻老鴨，又大擦酒鑲手打丸，仲食到丸子裏面嘅酒彈到攝影師哥哥塊面咁遠。一向口齒伶俐嘅Karl認為食野除左美食佳餚要極級外，最大的享受莫過於同一桌上把酒談心。一於唔放過巴喇莎，一邊食老鴨一邊逼供巴喇莎的擇偶條件，又用老鴨和其他食材作比喻牽引答案。巴喇莎答好似鐘意飲老鴨湯一樣，要搵大過佢又教到佢嘢嘅男人，話薑愈老愈辣，謝絕照顧腦袋未發育的小男孩。

巴喇莎仲好興奮咁話要有啲肉地，要有肌肉的。更突然發功望著Karl笑言唔要似Karl咁瘦削纖瘦。網民都紛紛話第一集二人就唇槍舌戰，相當具火花。不擅長煮嘢食嘅巴喇莎話期望在之後的拍攝處處偷師，增值廚藝，掦言嫁唔嫁得出靠呢舖。而食極唔肥嘅Karl拍過好多唔同嘅飲食節目，試過一日拍八集食八餐，真係食得是福!

老三火鍋 – 老鴨湯煲專門店
Tel: 23920151
Address: 香港九龍旺角旺角道33號3樓
Opening Hours: 6:00pm-2:00am
9:30pm後入座所有食品85折優惠