【UTO娛樂】陳卓瑩電影插曲《乞討》親自填詞寫自己 唱出電影劇情

【UTO娛樂】歌手Cherry陳卓瑩的首支歌曲作品《乞討》完成CD封面攝影工作，快將派台。 造型以黑為主，配合番首歌，慘慘地。

乞討由天才音樂人Zion李正皓作曲編曲和監製，親自執筆填詞及主唱的Cherry表示：想透過呢首歌分享自己過去既一段感情，其實當時已經知道感情變淡左，而自己因為想繼續維繫呢段關係，於是不斷做唔同既事討好對方。（例如？）比較深刻係有一次為佢整左個愛心飯盒，佢竟然係我面前倒晒落垃圾桶然後趕我走，嗰刻真係心都碎埋……

不過最後當然啦，明白勉強冇幸福，於是選擇左放手，亦都同《乞討》想帶出既意思一樣，「與其乞討愛情，不如灑脫離開」。

《乞討》亦成為香港電影《 青春戰記之來得及再愛你》的插曲，在男女主角爭執的劇情當中播放，並獲大家激讚有feel，令氣氛sad上加sad，Cherry亦十分感激大家的支持。

陳卓瑩Cherry，劉頌鵬Enson和陳貝怡Natalie更於電影首映齊齊出席撐場，十分老友。男女主角謝票時更大呼《乞討》好聽之餘，配上電影畫面，令人難忘，好好效果。

現實中，Cherry感謝剛出道，就有幸能唱電影主題曲，亦係自己填詞，大銀幕聽到自己嘅歌，真係好神奇，有次帶家人朋友入場睇戲，大家都讚唱得好，Cherry最開心係對自己有交待之餘，亦可以比屋企人知道自己工作成績，係一個肯定。自從吖媽睇完戲，就經常煲靚湯比自己補氣養聲，真係好窩心。