【UTO | 娛樂 | 浪漫婚活】吱吱鼠伍文生: 我外母做埋「媒人」

【UTO | 娛樂 | 浪漫婚活】吱吱鼠伍文生: 我外母做埋「媒人」

【UTO | 娛樂 | 浪漫婚活】吱吱! 前TVB兒童節目主持人伍文生離開娛樂圈之後，轉戰茶記蛋牛治生意同埋婚禮司儀業務。佢有今日，原來當時一個訪問，造就一段蛋牛治情緣，組織咗個家庭，仲有三個小朋友添!

*外母做媒人全因啱傾*
伍文生喺HK Romance Dating (HKRD) 網上節目上大爆識到太太既「媒人」就係現任外母。「當時我做一個訪問，認識到而家既外母。佢話想介紹喺澳洲讀完書，放暑假既女俾佢識，始終大家都係年輕人，當識多個朋友。我記得大家初時都係用email 聯絡溝通，大家KEEP住相處得好好，而且大家雖然分隔兩地，但大家都好「信」大家。「分隔異地既情侶通常都會有猜疑，但係我哋兩個就係好信對方，冇俾太多壓力大家。」

*文生享受遠距離戀愛*
直至佢返嚟香港，我就扮得好靚仔去接機，當時真係好緊張，真係好希望可以同佢一齊。」其實文生活佢哋兩個一早已認定對方，大家拍咗9個月後就結婚，移民咗去澳洲，但因為想幫外父手打理「新香園」生意回流香港。佢哋而家結咗婚13年，仲生咗3個仔女添!

其實由拍拖到而家，文生同太太都未嗌過交，就算有不滿都係以討論方式處理。而且大家已組織家庭，都唔希望小朋友見到父母嗌交。原來文生好脾氣都有原因，佢既父母，都好少嗌交。「多數都係媽媽想發火時，爸爸就會講:「晶妹」去開解佢，有時會出一出街問媽咪想買乜野，令佢冷靜落嚟。」

*點解會幫外父做生意?*
其實係外父想搵人接班。「當時佢打俾我同老婆問我哋有冇興趣，我哋都有啲興趣，因為都係30幾歲，都可以試做餐飲，之後就返嚟香港幫手。」而家文生哥哥喺觀塘開咗間「新香園」分店，主攻餐飲，亦都有接司儀JOB做，希望將開心歡樂帶俾香港人。

#TVB #伍文生 #HKRD #Yubi #Anita

了解更多，請即登入：
www.hkrd.com.hk