【UTO | 娛樂 】現代紅娘Anita越食越瘦 全靠星級營養師April

【UTO | 娛樂 】現代紅娘Anita越食越瘦 全靠星級營養師April

【UTO | 娛樂 】咦！最近一個月HK Romance Dating 創辦人Anita瘦咗好多喎！原來佢搵咗Nutri-Pro資深營養師April幫手，教佢越食越瘦，仲要唔使跟餐單添！

Anita話:「跟咗April減肥之後，以前每日食一至兩餐，而家每日都食五、六餐，仲要減到肥，條腰瘦咗好多。」

April話，原來食很少會甩頭髮之餘，仲會令自己肥咗添。「食得啱且食得多，會增加新陳代謝，最重要係減肥人士可以做返自己，不用死跟營養餐單，喺餐牌上，揀自己鍾意食既野，忠於自己，最緊要食完後要『有借有還』」例如：晚上會食自助餐，就要喺早上及午餐著手，食返低卡路里食物。

另外，April 話如果只食菜或者食雞胸去減肥，會令人面色蒼白，冇曬精神，唔食油仲會令皮膚又dry又暗啞，所以食野要均衡，食返牛肉、羊肉、豬潤、蜆、蠔等，少量食油或果仁都會令人補充維他命E，增加皮膚光澤。

至於減肥大忌食物，原來一杯鮮榨果汁有成6至7匙糖，要避飲果汁，另外食飯最好走汁，因為好多汁都是高鈉，尤其係麻婆豆腐，而且都要減食金沙骨、牛仔骨等，因為這些肉既部位都有飽和脂肪，容易令肝製造壞膽固醇增加血脂情況。

April喺營養界縱橫20年，幫過唔少星級名人減肥，其中試過幫跟過好多營養師客人減肥，不用跟餐單，反而叫佢食多啲，幫佢減咗120磅。

除減肥個案，亦都有增肥個案，有一個踏入青春期14歲女仔，由唔食野，變食多咗野，幫佢重咗20磅，仲高咗8cm，令佢重拾自信。