2019賀歲片細細粒大戰何遠東

近日憑無綫劇《是咁的，法官閣下》「喊」贏網民歡心的細細粒（陳嘉佳），在2019年的賀歲片《你咪理，我愛你！》中亦有不少精彩演出，當中最令人難忘的，絕對是與何遠東的床戲。

當年何遠東憑《降魔的》龍貓一角的賺人熱淚演出人氣急升，加上二人身形都是「肥嘟嘟」，細細粒近日又一度被封女版「何遠東」，是次二人同場上演「爆笑版苦情床戲」，自然份外吸睛。當日劇情講述新婚的何遠東與細細粒，在洞房之夜大玩「纏綿遊戲」，不過可能因為「久旱逢甘露」，二人因過份肉緊及投入，最終「樂極生悲」。

為了表演出肉緊狀態，細細粒與何遠東應導演要求不斷大玩「上床版笨豬跳」，二人連續半小時不斷沿著大床跳上又跳落，雖然期間數度喘氣，但仍不減「熱情」，出盡全力配合導演要求，又不時擺出搞怪又可愛的表情，整個拍攝現場可謂充滿歡笑聲。

縱然拍攝氣氛輕鬆，但二人拍攝「深情對望」鏡頭時卻能成功忍笑一take過，事後問到二人是如何忍笑時，二人異口同聲謂：「其實以我哋嘅身形，互相壓住對方係一件好辛苦嘅事，咁之前『跳大床』已經用咗咁多體力，如果喺呢個位因為忍唔住笑NG再浪費多啲體力唔抵啫。只要你唔想事後腰酸背痛，幾日落唔到床，就忍到笑架喇。」何遠東更笑言，事後回到家中才發現手臂有一大撻瘀傷：「拍嗰陣可能太投入，所以唔覺痛，返到屋企一望先知咁傷。粒姐破壞力真係好驚人呀！」