黃建東台慶彈琴冧爆江嘉敏

藝人黃建東 (東東) 自八歲起開始學鋼琴，日前能夠在台慶夜”臥虎藏龍”部份表演彈琴非常興奮：「對上一次喺TVB大型節目彈琴已經是 2011年香港先生選舉嘅才藝表演，最近兩年已經冇掂過部琴。今次為咗台慶練咗一個星期，好彩琴技冇生銹到。」

原來好多同事除了不記得東東是港男出身之外，大部份人都不知道他懂彈琴，所以看完之後好驚訝。最搞笑是江嘉敏話從來無見過男仔彈琴，看完東東彈琴之後話愛上了他：「阿新晉女神睇完我彈琴之後話愛上咗我，仲叫我做愛人。但佢啱啱宣佈咗有男朋友，咁我點算好？」
東東坦言很欣賞江嘉敏呢種平時大癲大肺但又很有才華的女孩子，期待可以再跟她一起彈琴及拍劇。

東東最近忙於拍攝”機場特警”及”黃金有罪”兩套新劇，台慶完後第二朝早 5點又要返TVB拍”黃金有罪”，所以索性在公司過夜：「如果第日太早開工真係唔係好瞓到，因為好驚自己唔知醒，台慶嗰晚12點幾先收工，所以寧願喺公司過夜穩陣啲。過夜最緊要帶備三寶：毛巾、牙刷和拖鞋，到最尾因為要玩”汪阿tag”，所以就算喺公司瞓都係瞓得一個鐘左右。」