Zpecial 憑歌曲《未知之旅》奪VIP音樂榜熱播歌曲獎

一個雲集香港、內地、澳門、馬來西亞及美加等地嘅華語歌曲盛事「VIP音樂榜頒獎典禮」早前於澳門百老匯舉行，當日盛況空前，眾多歌手出席支持。頒獎禮上，出道不足一年的本地新晉樂隊Zpecial憑著剛推出新碟《The Impulse To Travel》中的歌曲《未知之旅》勇奪「VIP熱播歌曲獎」殊榮。

樂隊主音兼結他手康聰表示：第一次獲頒歌曲獎心情興奮，今次呢首歌有別於我哋過往嘅曲風，音樂部份加入了EDM元素，更專誠找來作詞人小廣合作，新嘗試有如此成績感到喜出望外，鼓手煒賢也補充，今次獲獎的確為樂隊的創作打了一支強心針。

成員Tatming笑言，雖然今次歌曲能獲樂迷認同，但我哋絕不自滿，亦不會放慢腳步，未將仲有好多地方需要學習，我哋希望每一次都會有進步。而結他手Mike表示，獲獎感言當然要好多謝我哋嘅監製賴映彤(小彤)嘅悉心指導，多謝各位前輩及DJ朋友們嘅喜歡，最後梗係要多謝喜歡《未知之旅》嘅一眾粉絲們啦！