【謝票攻略】毛俠導演區焯文：由十個觀眾到全院滿座 一樣感動

《毛俠》片導演區焯文稱已出席二十多場謝票活動，由每場最初十多名觀眾至後來全院滿座，十分感動：「我哋花咗48萬去拍攝，係小本製作關於社會議題嘅電影，由社區播放變成院線電影，都算係個奇迹，除咗有好口碑外，連戲中嘅流浪狗都成功被領養。如果下次再拍狗仔題材，我會想探討國際性議題，例如狗肉節之類。」