溫碧霞DIOR裝扮 亮相巴黎時裝騷

溫碧霞(Irene)日前飛往巴黎，應時裝品牌DIOR邀請出席巴黎時裝周。昨日，Irene穿上DIOR新季最新款的粉紅長裙，配搭毛毛中長背心，手挽DIOR新款手袋，淡雅亮麗之中不失型格現身DIOR時裝騷，Irene經過悉心打扮，梳了一頭又長又大把的曲髮，中間分界，完全配合DIOR這身造型，相當搶眼，不愧是香港女神。當Irene挽著手袋瀟灑自若現身會場時，隨即引來賓客目光及要求跟Irene合照，就連外藉的工作人員及保安人員也忍不住投以欣賞注目，成為焦點。

Irene心情靚靚並謙稱：「大家好好禮貌啫，巴黎人都好有風度及禮貌，都會主動打招呼及合照一下留念，我好鍾意巴黎，無論當地人的待人接物或當地天氣、空氣、景色、食物、服裝我都好欣賞好啱我，非常多謝DIOR邀請出席。」

DIOR時裝騷位於巴黎的郊區舉行，陽光普照，一片藍天，萬里無雲，Irene心曠神怡大讚說：「沿途坐車已經覺得好舒服，天氣十幾、二十度，清涼又乾爽，到達會場見到DIOR好有味道的佈置，再加上時裝騷的服飾又好靚，所以今日好享受好滿足，欣賞到太多靚嘢。」睇完騷後，Irene繼續留巴黎多兩天，接受巴黎的雜誌訪問及拍照，並順道拍攝寫真集，而回港落機當天，就要馬上趕車到大陸演出，她笑笑說辛苦趕去工作都值得。