同陽光玩遊戲 許嘉浩孖楊曉穎出席Be3 Sun Protection防曬派對

形象指導兼藝人許嘉浩(Karl)同剛推出寫真的環球小姐.國際小姐.「陳嘉容師妹」-楊曉穎(Sharon)孖住做野密密出活動外 ，在工作空檔時更會一齊Take個Break。除左行街Shopping同按摩外 ，夏天仲鍾意揸車去沙灘同陽光玩遊戲。
呢日Karl孖住Sharon到西貢出席“Be3 Sun Protection Launch Party” ，席間更被赤祼上身Fit爆嘅外藉肌男上前為佢地搽防曬 ，場面火辣辣。在旁主持人起哄叫Sharon可以幫肌男搽防曬 ，「鬼妺仔」性格嘅Sharon大叫 “Why Not?”卻被在旁的Karl笑說:「宜家啲防矖產品好先進 ，係隔遠噴 ，唔洗用手去touch人地搽㗎!」慘被食檸檬嘅Sharon引來全場大笑。
鍾意做運動同陽光玩遊戲嘅Sharon表示為曬出健康均等嘅膚色唔介意去沙灘祼曬 ，話咁樣先無個Bra印 ，平時常去赤柱或者淺水灣曬。皮膚白白的Karl話好著重美容保養同防曬:「就算室內有紫外光同燈都要好好保護皮膚 ，防止皮膚隕害同老化。」平時繁忙工作中的break鍾意去海邊飲住消暑特飲 ，聽住音樂當係去左外國旅行。又話試過同Sharon去沙灘幫佢覓肌男筍盤 ，引來外藉爆肌機師前來搭訕 ，又請佢地飲酒。Sharon更揚言唔介意同外國人拍拖 ，高大爆肌優先。
活動上二人更嘗試被紋身師傅畫上紋身圖案 ，Sharon又爆左句有紋身嘅男仔都幾型。